Sı zınpın: Eki el de ádiletti álemdik tártipke umtylady

Qytaı Halyq Respýblıkasynyń Tóraǵasy Sı zınpın ózara vızasyz rejım eki el adamdarynyń bir-birine, týystaryna jıi saparlaýyna múmkindik bergenin atap ótti, dep habarlaıdy  qandastar.kz.

«Eki aradaǵy saparlardyń sany byltyr 600 myńnan, al bıyl alǵashqy 3 aıdyń ózinde 200 myńnan asty, jańa rekord tirkeletin túri bar. О́ńirler arasyndaǵy áriptestik te qarqyn alyp keledi. Áńgime 26 baýyrlas qalanyń baılanysy týraly bolyp otyr. Qytaılyq naýqastardyń arasynda zor qurmet pen bedelge ıe oftalmolog dáriger S. Qabylbekov, sırek kezdesetin «panda qany» tobynyń donory Rýslan Tólenov, Qytaıda asa tanymal ánshi Dımash jańa dáýirdegi Qytaı-Qazaqstan dostyǵynyń elshilerine aınaldy», – dedi ol.

QHR tóraǵasy Beıjiń men Astananyń tyǵyz yqpaldastyǵy men qaterlerge qarsy birge qabyldaǵan jaýaptary halyqaralyq arenada óz jemisin berip jatqanyn aıtady.

«Qytaı men Qazaqstannyń halyqaralyq jáne óńirlik isterdegi ustanymy uqsas, ortaq, keshendi, birlesken ári ornyqty qaýipsizdik tujyrymdamasyn iske asyrýdy jaqtaıdy. Eki el de jer sharynda beıbitshilik ornatýǵa, jahandyq aýqymda damýǵa, ádiletti álemdik tártipke umtylady. Biz «Qytaı-Ortalyq Azııa» formatyn quryp, BUU, ShYU, AО́SShK aıasynda jáne ózge de kópjaqty dıalog alańdarynda tyǵyz yqpaldastyqtamyz. Bir-birimizdiń halyqaralyq yntymaqtastyq jónindegi konstrýktıvti bastamalarymyzdy belsendi qoldap, ortaq strategııalyq múddelerimizdi, qaýipsizdik pen damý múddelerin batyl qorǵap kelemiz», – dedi Qytaı basshysy.