Sınoptıkter qatty aıaz bolatynyn habarlady

Foto: istockphoto.com

9 jeltoqsanda Qazaqstannyń birqatar óńirinde daýyldy eskertý jarııalandy, dep jazdy qandastar.kz

Astanada kúndiz keı ýaqytta tuman kútiledi.

Aqmola oblysynyń batysynda, soltústiginde jáne shyǵysynda da tuman saqtalady.

Almaty oblysynyń ońtústigi men taý bókterlerinde tuman kútiledi.

Túrkistan oblysynyń taý bókterlerinde jaıaý burqasyn boljanýda. Batys, ońtústik, sondaı-aq taý jáne taý etegindegi aýdandarda tuman kútiledi. Jel shyǵystan soǵady, taý aýdandarynda ekpini sekýndyna 15-20 metrge jetedi. Shymkent pen Túrkistanda keı ýaqyttarda tuman bolady.

Abaı oblysynyń soltústigi men shyǵysynda qar jaýyp, jaıaý burqasyn bolady dep kútilýde. Jel soltústik-shyǵystan sekýndyna 15-20 metr jyldamdyqpen soǵady. Aýa temperatýrasy kúrt tómendeıdi: túnde -5…-10 gradýstan -18…-23 gradýsqa deıin, batysy men soltústik-batysynda keı jerlerde -27 gradýsqa deıin, shyǵysynda -30 gradýsqa deıin sýytady.

Aqtóbe oblysynyń ońtústigi men ortalyq bóliginde tuman kútiledi.

Atyraý oblysynyń batysy men ońtústiginde ońtústik-shyǵystan soqqan jeldiń ekpini sekýndyna 15-20 metrge jetedi.

Shyǵys Qazaqstan oblysynda túnde qar jaýyp, soltústigi men shyǵysynda qalyń qar kútiledi, kúndiz de qar jaýýy jalǵasady. Burqasyn boljanýda. Jel soltústik-shyǵystan sekýndyna 15-20 metr jyldamdyqpen soǵady. Aýa temperatýrasy túnde -4…-9 gradýstan -18…-23 gradýsqa deıin, shyǵysynda -30 gradýsqa deıin tómendeıdi.

Jambyl oblysynyń taý bókterlerinde jaıaý burqasyn bolady. Ońtústigi men taý bókterlerinde tuman kútiledi. Jel soltústik-shyǵystan soǵyp, keı jerlerde sekýndyna 15-20 metrge deıin jetedi. Taraz qalasynda keı ýaqyttarda tuman boljanýda.

Jetisý oblysynyń shyǵysy men taý bókterlerinde tuman kútiledi. Alakól kólderi aýdanynda ońtústik-batystan soqqan jeldiń ekpini sekýndyna 15-20 metrge jetedi.

Batys Qazaqstan oblysynyń soltústigi men shyǵysynda tuman kútiledi. Oral qalasynda túnde jáne tańerteń tuman saqtalady.

Qaraǵandy oblysynda aýa temperatýrasy kúrt tómendeıdi: túnde -12…-17 gradýs, soltústiginde -20 gradýsqa deıin, ońtústiginde -6 gradýstan -22…-27 gradýsqa deıin, keı jerlerde -18 gradýs bolady.

Qostanaı oblysynyń shyǵysy men ońtústiginde tuman boljanýda.

Qyzylorda oblysynyń soltústigi men ortalyq bóliginde keı ýaqyttarda tuman kútiledi. Qyzylorda qalasynda tuman bolady dep boljanýda.

Mańǵystaý oblysynda ońtústik-shyǵystan soǵatyn jeldiń ekpini batys, ońtústik jáne ortalyq bólikterinde sekýndyna 17-22 metrge jetedi. Aqtaý qalasynda da ońtústik-shyǵystan jel soǵyp, ekpini sekýndyna 17-22 metrge deıin kúsheıedi.

Soltústik Qazaqstan oblysynyń soltústigi men shyǵysynda tuman kútiledi.