«Сіз қалай келістіңіз, ақшаға ма?»: Наркенже Серікбаева тағы сынның астында қалды

Танымал сынықшы әрі халық емшісі Бағдагүл Лепесова әнші Наркенже Серікбаеваға шүйлігіп, оның қоғамда үлкен резонанс тудырған мәлімдемесін сынға алды, деп хабарлайды Qandastar.kz ақпарат порталы.

Бағдагүл ханымның ашуына тигені – Наркенже Серікбаеваның филармония басшысын ауыр айыптағанымен, артынша екі тараптың «келістік» деп бейнежазба таратуы.

«Адамға ауыр айып тағылды ма? Ол рас болса, жауап беруі керек. Орта жолдан «біз келістік» деген не сөз? Қыздардың арын таптаған болса, жауап берсін. Сіз қалай келістіңіз? Ақша алдыңыз ба, не болды? Неге тыныш отырған халықтың мазасын аласыздар?» – деп ашуланды емші.