Солтүстік Қазақстан облысында әкесін ұрып-соққан 22 жастағы тұрғын әкімшілік жауапкершілікке тартылды, деп хабарлайды qandastar.kz порталы.
Оқиға Шал ақын ауданындағы Бірлік ауылында болған.
Жас жігіт әкесін балағаттап, оған қол жұмсаған сәтті видеоға түсіріп, әлеуметтік желіге өзі жариялаған. Желіде тараған жазбадан кейін полиция тексеру жұмыстарын жүргізді.
Тәртіп сақшыларының мәліметінше, жанжал тұрмыстық келіспеушілік салдарынан туындаған. Жігітке қатысты «Отбасы-тұрмыстық қатынастар саласындағы құқыққа қарсы әрекеттер» бабы бойынша әкімшілік іс қозғалды.
Зейнеткер сот-медициналық сараптамадан өтуден бас тартып, ұлына қатысты шағымы жоқ екенін айтқан. Соған қарамастан, сот шешімімен құқық бұзушы 5 тәулікке әкімшілік қамауға алынды.
