«Сөйлесіп қойғанмын, уайымдама»: Шерзат ісіндегі сот үзілісінде қатысушылардың өзара сөзі жазылып қалған

Әлеуметтік желілерде 16 жастағы Шерзат Полаттың өліміне қатысты сот ісінен қызықты үзінді жарияланды, деп хабарлайды Qandastar.kz ақпарат порталы. 

@egovpress парақшасында жарияланған видеода процесс аяқталғаннан кейін бір адамның жылап жібере жаздағаны және куәлікті дұрыс бердім бе деп сұрағаны естіледі.

«Дұрыс сөйледім бе?! Саған көп сұрақ қоймайды, сөйлесіп қойғанмын. Уайымдама!», — деген сөздерді естуге болады.

Оған жауап ретінде алаңдамауын, бәрі барлық тараппен алдын ала келісілгені айтылған.

Алайда, бұл сөздерді қай айыпталушының айтқаны белгісіз.