Оқиға туралы қыздың анасы әлеуметтік желіде мәлімдеді.

Оның айтуынша, ер адам көшеде келе жатқан баланың қолынан тартып, қорқытып, күштеп әкетпек болған.

Алайда сол сәтте маңайдан өтіп бара жатқан екі жасөспірім қызға араша түсіп, қатты айқайлаған. Күтпеген шудан сескенген ер адам қызды жібере салып, оқиға орнынан қашып кеткен.

Аталған дерек бойынша Сарыарқа ауданының полиция басқармасы арыздың тіркелгенін растады.

Қазіргі уақытта күдіктіні анықтау және ұстау бағытында іздестіру шаралары жүргізіліп жатыр.

The post Астанада 8 жастағы қызды ұрламақ болған ер адам іздестіріліп жатыр appeared first on QANDASTAR.KZ.

Бұл туралы марқұмның отбасылық адвокаты Аянхан Омаров әлеуметтік желідегі парақшасында мәлімдеді, деп хабарлайды qandastar.kz порталы.

«Руслан Өтепбайдың YouTube арнасында жарияланған «ШЫМКЕНТТІК НҰРАЙ СЕРІКБАЙДЫҢ ҚАЗАСЫ» атты бейнематериалдың астында «Maxset Minbaev» аккаунты марқұм Нұрай Серікбайдың ар-намысы мен қадір-қасиетіне нұқсан келтіретін, әдепсіз және қорлайтын пікірлер жариялаған.

Аталған факті бойынша ҚР Қылмыстық кодексінің 131-бабы (Қорлау) белгілерімен арыз берілді.

Пікір мәтіндеріне кешенді сот-психологиялық-филологиялық сараптама тағайындау сұралды.

Нұрайдың ар-намысы мен қадір-қасиеті заңмен қорғалады!» — деп жазды ол.

Еске сала кетейік, қаңтардың 11-і күні кешкі уақытта Шымкент қаласындағы көпқабатты үйлердің бірінің жанынан жас қыздың мәйіті табылған болатын.

Алдын ала деректерге сәйкес, марқұмның денесінен пышақ жарақаттары анықталған.

Арада екі күн өткен соң, яғни 13 қаңтарда күдіктінің қала маңынан ұсталғаны белгілі болды. Құқық қорғау органдары оны сот санкциясымен қамауға алу туралы шешім қабылданғанын хабарлады.

Оқиғадан кейін Ішкі істер вице-министрі Санжар Әділов Мемлекет басшысының тапсырмасына сәйкес, ведомстволық қызметтік тексеру жүргізілгенін мәлімдеді. Тексеру нәтижесінде Шымкент полиция департаментінің басшылығына қатысты тәртіптік жаза қолданылған.

Сонымен қатар, 21 жастағы Нұрай Серікбайдың қазасынан кейін Шымкент қалалық полиция департаментінің басшысы Нұрлан Алмасбеков, оның бірінші орынбасары және бірнеше қызметкер қызметінен босатылғаны белгілі болды.

The post Адвокат кісі қолынан қаза тапқан бойжеткен жайлы теріс пікір қалдырғандар туралы: «Нұрайдың ар-намысы заңмен қорғалады» appeared first on QANDASTAR.KZ.

Актриса Instagram желісіндегі парақшасында енді өзін балағаттап, жекесіне өткен адамдарды сотқа беретінін айтты.

Жаңа жазылушыларға және «сырттай бақылап жүргендерге» сәлем! Менің парақшама не үшін кіріп жүргендеріңізді шамалап білемін: біреулер «нан мен қызық» іздесе, енді біреулер «зерттеу» мақсатында жүрген болар. Қалай болғанда да қош келдіңіздер, жайғаса отырыңыздар! Бұл блогта мен өз қызметім мен қызығушылықтарым туралы бөлісемін: коучинг, кәсіби бағдар, психология, эзотерика, шығармашылықтың кейбір қырлары, жүзеге асырып жатқан жобаларым, оқып жүрген кітаптарым, баратын орындарым, мені шабыттандыратын дүниелер туралы айтамын.

Жеке өмірім емес тек ойы бір, қызығушылығы ортақ адамдарға пайдалы әрі қызықты болуы мүмкін тақырыптар ғана. Білім, мәдениет, кітаптар, музыка, кино, шығармашылықтың түрлі көріністері, даму мен заманауи тенденциялар, ата-ана болу, ана болу, өмір, мәңгілік құндылықтар туралы тақырыптарды ашық талқылауға дайынмын. Welcome! Ал сырт келбетіме, жеке өміріме қатысты ешкім сұрамаған пікір мен «ақыл-кеңес» бергісі келетіндерді елемеймін және блоктаймын. Себебі шекара бар, субординация бар.

Әсіресе уытты, дөрекі жазбалар қалдыратын, фейк аккаунттар арқылы қорлайтын және «ештеңе болмайды» деп ойлайтындарға айтарым: бәрі тіркеледі, скриншоттар жасалады. Қажет болған жағдайда ар-намыс, қадір-қасиет және іскерлік беделді қорғау туралы баптар бойынша, сондай-ақ интернетте жалған әрі қорлайтын ақпарат таратқаны үшін сотқа жүгінуге болады. Айта кетейін: анонимді немесе фейк аккаунттарды пайдаланған күннің өзінде, сот процесі аясында (соның ішінде тіркеу және техникалық деректер арқылы) жазба авторының жеке басын анықтауға толық мүмкіндік бар. Өйткені пікір білдіру еркіндігі төмендегілер үшін жауапкершіліктен босатпайды: жалған ақпарат тарату; ар-намыс пен қадір-қасиетті қорлау; қоғамдық кеңістікте тіл тигізу. Мұндай әрекеттер үшін заңда: әкімшілік жауапкершілік, азаматтық-құқықтық жауапкершілік, моральдық зиянды өтеу, сот шығындарын өндіру, ақпаратты теріске шығару міндеті қарастырылған.

Сондықтан менің үндемей отырғанымды әлсіздік деп қабылдамаңыздар және сөз бен іс үшін заң алдындағы жауапкершілікті ұмытпаңыздар. Ал жалпы парақшама қош келдіңіздер, өздеріңізді үйдегідей сезініңіздер, бірақ қонақта екендеріңізді естен шығармаңыздар, – деп жазды Альмира.

 

Посмотреть эту публикацию в Instagram

 

Публикация от Almira Tursyn (@almiratursyn)

The post «Жеке өміріме өтпеңдер!»: Ақан Сатаевтың тоқалы да сотқа жүгінетінін айтты appeared first on QANDASTAR.KZ.

Дональд Трамп корпорацияны өзінің 2021 жылғы 6 қаңтардағы сөзін «Panorama» бағдарламасында бұрмалау мен манипуляция жасағаны үшін сотқа беретінін хабарлаған еді.

BBC редакциясы арыздың 2025 жылғы 15 желтоқсанда Флорида штатының сотына түскенін растап, ақпарат таратты.

Трамптың адвокаттары корпорацияны коммерциялық құқық нормаларын бұзды деп айыптап, «қасақана, зиянкестік пен адастыратын редактура» жасағанын алға тартады.

BBC басшылығы әзірге арыз бойынша ресми түрде түсініктеме берген жоқ.

Айта кетейік, мәселе 2024 жылдың қазан айында BBC корпорациясы эфирге шығарған бағдарлама туралы болып отыр. Онда Дональд Трамптың сөз сөйлеуі арнайы монтаждалып, көрерменге ол өз жақтастарын АҚШ Конгресінің ғимаратын басып алуға шақырғандай әсер қалдырған. Алайда, шын мәнінде Трамп азаматтық ұстанымды бейбіт жолмен білдіру қажеттігі жөнінде айтқан.

Осы жанжалдың салдарынан BBC-дің бас директоры Тим Дэйви, сондай-ақ корпорацияның жаңалықтар қызметінің жетекшісі Дебора Тернесс қызметінен кетуге мәжбүр болды.

Дегенмен, биылғы қараша айында BBC басшылығы американдық көшбасшыдан монтаждалған сөздер үшін кешірім сұрағанымен, өтемақы талаптарын қанағаттандырмай, айыптау негізі жоқ екенін мәлімдеген еді.

The post Дональд Трамп BBC корпорациясынан 1-5 млрд доллар талап етті appeared first on QANDASTAR.KZ.

Салтанат Нүкенованы өлтіргені үшін сотталған бұрынғы экономика министрі Қуандық Бишімбаев жаңа сот процестеріне дайындалып жатыр. Бұл туралы оның экс-әйелі Назым Қаһарман Instagram желісіндегі парақшасында хабарлады. Ол туған күнінде ерекше сыйлықтар алып жатқанын мәлімдеді.

 

Посмотреть эту публикацию в Instagram

 

Публикация от Nazym Kakharman (@nazymkakharman)

«>
Назым Қаһарман атаулы күнді бұрынғы жолдасы да ұмытпағанын айтты. Сөзінше, ол таңғы уақытта Бишімбаевтан сотқа екі шақырту алған.

«Бұрынғы күйеуім туған күніме сыйлығын жеткізу үшін барын салыпты. Таң атпастан одан сотқа екі шақырту алдым. Кеше қол қойып, Степногорск қаласынан бүгін жедел түрде жеткізіп тұр», — деді Назым Қаһарман.

Оның айтуынша, Қуандық Бишімбаев ортақ балаларына қатысты мәселе бойынша сотқа арыз түсірген. Назым Қаһарман бұрынғы күйеуі перзенттеріне шетелге рұқсатсыз шығуға мүмкіндік беретін сенімхатын қайтарып алғанын хабарлады.

Оған қоса Назым Қаһарман экс-жолдасынан мұндай әрекетерді күткенін жеткізді.

«Көңіл-күйім қатты түскен жоқ, себебі оның мұндай әрекеттерге баратынын білдім. Бұл адам істеген істеріне өкініп, балаларына барынша көмектесіп, солар үшін қашықтан қуанып жүретін болса таңғалар едім. Алайда, олай емес. Мұндай адамдар ешқашан өзгермейді», — деп жазды Бишімбаевтың бұрынғы әйелі.

The post «Туған күніме сыйлық жасады»: Қуандық Бишімбаев бұрынғы әйелін сотқа берді appeared first on QANDASTAR.KZ.

Оқиға қалай басталды?

Оқиға Тимати мен өзге де орыс әншілерінің Қазақстандағы концертін ұйымдастырушы Алексей Пучковтың шағымынан кейін өрбіген болатын. Ол Аида Жексенованың «Тиматидің концертіне билет сатып алмаңыздар. Соғысты қаржыландырмаңыздар!» деген жазбасынан экстремизм белгілерін көрген. Яғни, ол ҚР Қылмыстық кодекстің 174-бабы («Әлеуметтік, ұлттық, рулық, нәсілдік, таптық немесе діни алауыздықты қоздыру») бойынша бағалауды талап еткен.

Шағымнан кейін тәртіп сақшылары блогерді Экстремизммен күрес басқармасына шақырып, жазбасын өшіруді «ұсынған». Өз кезегінде блогер әлгі постында ешқандай агрессия, ұлтқа немесе дінге қатысты арандату, жеккөрушілік болмағанын алға тартады. Ол тек саяси позициясын білдіріп, «z»-идеологияны насихаттайтын әртістің концертіне қатысты пікірін жазғанын жеткізді.

«Мен ештеңе заңсыз жасамадым. Постымды өшіруден, яғни өз ұстанымымнан бас тартудан принципті түрде бас тарттым», – деді ол.

Оқиға әлеуметтік желілерде кең талқыланып, жүздеген журналист, құқық қорғаушы, блогер және қарапайым азаматтар Аиданы қолдады.

«Мұндай үлкен қолдауды күтпедім. Жүздеген пікір, мыңдаған лайк, репост… Тіпті, КСК төрағасы «Аида, көмегім қажет пе?» деп жазды», – деп бөлісті блогер.

Бұл оқиғадан кейін блогер үндеу жасап, медианы қорғауға келгенде қарап қалмайтын Ақпарат министрі Аида Балаевадан жағдайға араласуды сұраған болатын. Оның пікірінше, саяси бойкотты экстремизм деп тану күні ертең журналистер мен белсенділерге қарсы қолданатын қаруға айналуы әбден мүмкін.

Полиция ресми түрде хабарлады: құқықбұзушылық жоқ. Threads әлеуметтік желісіндегі Аида Жексенованың жазбасында оған кеше полиция қызметкерлері хабарласып, тексеру қорытындысын жеткізген. Яғни, «Құқықтық немесе әкімшілік құқықбұзушылық белгілері анықталған жоқ» деген жауап алған.

Осылайша, полиция бойкоттың – экстремизм емес екенін, оның азаматтық позиция екенін ресми түрде мойындады.

Енді кім жауап береді?

Аида Жексенова жазбасында енді полицияға шетелдік әртістің ұйымдастырушысы әрі өзіне шағым түсірген Алексей Пучковқа қатысты жала жабу және жалған арыз бойынша шағым түсіру мүмкіндігін қарастырып жатқанын хабарлады. Оның мүддесін QALQAN ADVISORS қорғау бюросының жетекшісі Асқар Қаймақов қорғайды.

«Маңыздысы – тек өзімді қорғау емес. Ертең ешкім белсенділерді, журналистерді немесе блогерлерді осылай қысымға ала алмайтындай прецедент жасау», – деп жазды Айда Жексенова.

Блогер жұрттың көмектесуге деген ниетіне алғысын білдіріп, қаражат жинаудан бас тартты.

The post Бойкот – қылмыс емес!: Полиция Аида Жексеноваға қатысты істі тоқтатты appeared first on QANDASTAR.KZ.

Бұған дейін Козачков депутатты жемқорлық үшін сотталған деп айыптап, оның мандатының заңдылығына күмән келтірген.
Журналистің айтуынша, бұл дау 2022 жылы әлеуметтік желідегі жазбадан кейін басталған. Ол кезде журналист Болатбек Нәжметдинұлының иелігіндегі “Dala Fruit” компаниясына байланысты материал жариялаған.
“Сол жылы БАҚ-та “Dala Fruit” компаниясының италиялық алхоры өсіру үшін мемлекеттен миллиардтаған субсидия алғаны, алайда іс жүзінде ешқандай жеміс-жидек өсірмегені туралы ақпарат тарады. Ал алқаптарды шаң басып, қараусыз қалғаны видеода көрсетілді. Кейін белгілі болғандай, жеміс-жидектер шетелден тасымалданып, өздері өсіргендей етіп көрсеткен. Осылайша мемлекеттен бөлінген қаражат мақсатсыз жұмсалған болуы мүмкін деген сарында жазба қалдырдым”, — деді ол Dalanews.kz агенттігіне берген сұхбатында.

The post Жемқорлыққа қатысы бар — Мәжіліс депутаты Козачковтың үстінен арыз берді appeared first on QANDASTAR.KZ.

Бұл жағдай туралы Threads әлеуметтік желісінде үш жасар қыз баланың анасы жазды.

«Кафеде қызым ойыншық шаңсорғышты алып ойнап отырды. Үлкенірек қыз оны тартып алмақ болды, ал оның анасы айқайлап: «Қызыңызға әдеп үйретіңіз» деп кірісті. Арада он минут өтпей балалар досындай ойнап кетті. Ал әлгі әйел қызымның үстінен арыз жазыпты. Балаға. Оның үстіне, үш жасар қызымнан өзінің бес жасар қызының алдында көпшілікке кешірім сұрауын талап еткен», – деп жазды баланың анасы.

Атырау облыстық Полиция департаменті балаға қатысты арыздың түскенін растады.

«Аталған факті бойынша тексеру жүргізіліп, баланың ата-аналарымен профилактикалық әңгіме өткізілді. Оларға үш жасқа толмаған балаға қатысты арыз қабылданбайтыны түсіндірілді. Осыған байланысты азаматшаның арызы заң талаптарына сәйкес қараусыз қалдырылды», – деді полиция.

The post Атыраулық келіншек үш жастағы баланың үстінен полицияға арыз жазды appeared first on QANDASTAR.KZ.

Қызылордада ер адам қыз сезіміммен ойнады деп полицияға арызданған, деп хабарлайды  qandastar.kz . 

Қыз баланың түсініктемесі бойынша 30 қыркүйекте ол қоқыс тастауға шыққан. Содан соң көлікпен жүрген досымен кездесіп қалып, екеуі есіктің алдында отырған.

Артынша бір күн бұрын танысқан жігіт келіп, қызғанып, сезімін білдіріп, артынша полиция шақырған.

Полицейлер тұрғынның шақыруы бойынша оқиға орнына келіп, тексеріс жүргізген. Нәтижесінде қылмыстық және әкімшілік құқықбұзушылық құрамының болмауына, сондай-ақ тараптардың арыз беруден бас тартуына байланысты материал қараусыз қалдырылған.

The post Қызылордада ер адам бейтаныс қыз сезіміммен ойнады деп полиция шақырған appeared first on QANDASTAR.KZ.

The post Мемлекеттік қызметті көрсету натижесіне шағымдану тәртібі туралы appeared first on QANDASTAR.KZ.