Баку Archives - QANDASTAR.KZ

Сербия президенті мінген ұшақ Бакуге шұғыл қонды

bahitzhanabzal — Thu, 08 May 2025 05:37:26 +0000

Фото: by.tsargrad.tv

Сербия президенті Александр Вучич мінген ұшақ Бакуге мәжбүрлі түрде қонды, деп хабарлайды qandastar.kz

Minval басылымының мәліметінше, Мәскеуге ұшып бара жатқан Сербия президентінің ұшағы Украина дрондарының Ресей аймақтарына жасаған шабуылына байланысты Бакуге қонды.

Хабарламада президенттің ұшағы әуе кеңістігіндегі қауіпсіздікке байланысты Ресей аумағына қарай ұшуды жалғастыра алмағаны айтылған. Шиеленісті ескере отырып, Мәскеуге бағытталған рейс қауіпсіз емес деп танылып, президент делегациясы Әзербайжан астанасы Бакуде қалуға мәжбүр болды.

Кейінірек РИА агенттігі хабарлағандай, Сербия президентінің ұшағына ұшуға рұқсат беріліп, ол Бакуден Мәскеуге қайта аттанған.

Skifnews.kzақпарат порталы жазғандай, Вучич Мәскеуге Жеңістің 80 жылдығына арналған мерекелік шараларға қатысу үшін барды. Серб көшбасшысы Қызыл алаңдағы Жеңіс парадына қатысып, Ресей президенті Владимир Путинмен кездеспек.

Бұған дейін Латвия мен Литва билігі Вучичтің ұшағына өздерінің әуе кеңістігі арқылы ұшуға тыйым салған болатын. Ал Еуропалық Одақ үміткер елдердің және мүше мемлекеттердің басшыларын Мәскеуге бармауға шақырған.

Осыған жауап ретінде Вучич Путинге Жеңіс күніне Мәскеуге келемін деп уәде бергенін, сондықтан міндетті түрде келетінін, бірақ үкімет пен армия өкілдерін ертпейтінін, себебі олар санкцияға ұшырап қалмауы тиіс екенін айтқан.

The post Сербия президенті мінген ұшақ Бакуге шұғыл қонды appeared first on QANDASTAR.KZ.

«Марқұмдардың аузындағы алтын тістерін ұрлаған»: Өлген адамдардың қабірін қазушы ұсталды

bahitzhanabzal — Fri, 25 Apr 2025 05:00:55 +0000

Фото: ашық дереккөз

Әзербайжан елінің Баку қаласында қабірлерді қазып жүрген ер адам ұсталды, деп хабарлады turkystan.kz.

Ол қабір тонады деген күдікпен ұсталды.

Насими аудандық полиция басқармасының қызметкерлері 39 жастағы Эльвин Аббасовты қолға түсірген.

Эльвин Аббасов Баку зираттарының бірінде жұмыс істеген және қабірлерді қазып, марқұмдардың аузындағы алтын тістерін ұрлады деген күдікке ілінген. Кейін ұрланған алтындарды дүкендердің біріне сатып отырған.

Аталған дерек бойынша қылмыстық іс қозғалып, тергеу жұмыстары жалғасып жатыр.

The post «Марқұмдардың аузындағы алтын тістерін ұрлаған»: Өлген адамдардың қабірін қазушы ұсталды appeared first on QANDASTAR.KZ.

Air Astana ұшағы Бакуде қонуға мәжбүр болды

bahitzhanabzal — Mon, 24 Mar 2025 07:38:48 +0000

Фото:istockphoto

Тбилиси-Алматы бағыты бойынша рейс орындаған Air Astana әуе компаниясының Airbus A321 ұшағы Гейдар Алиев атындағы халықаралық әуежайға шұғыл түрде қонды, – деп хабарлайды qandastar.kz ztb.kz-ке сілтеме жасап.

Airbus A321 ұшағының капитаны жолаушылардың бірінің денсаулығы күрт нашарлағаннан кейін Баку әуежайына қонуға рұқсат сұраған. Әуежай жедел түрде дағдарыс орталығын және барлық қажетті қызметтерді жұмылдырды.

– Ұшақ жергілікті уақыт бойынша сағат 00:25-те сәтті қонды. Шұғыл медициналық көмек қажет болған жолаушыға қону сәтінде бірден алғашқы медициналық жәрдем көрсетілді. Ол жедел жәрдем қызметіне тапсырылып, әрі қарай тексеру үшін қалалық ауруханаға жеткізілді, – делінген ақпаратта.

Рейс кейінге шегеріліп, жолаушылар уақытша қонақүйге орналастырылды. Әуежай қалыпты режимде жұмысын жалғастыруда.

The post Air Astana ұшағы Бакуде қонуға мәжбүр болды appeared first on QANDASTAR.KZ.

Мемлекет басшысы Финляндия Президенті Александр Стуббпен кездесті

bahitzhanabzal — Tue, 12 Nov 2024 13:05:48 +0000

Фото: Ақорда

Климаттың өзгеруі жөніндегі БҰҰ-ның негіздемелік конвенциясына қосылушы тараптардың 29-шы конференциясы аясында Қасым-Жомарт Тоқаев Финляндия Президенті Александр Стуббпен кездесу өткізді, деп жазады qandastar.kz

Қасым-Жомарт Тоқаевтың айтуынша, Финляндия – Қазақстанның Солтүстік Еуропа аймағы мен тұтас Еуропа Одағындағы сенімді әрі уақыт тезінен өткен серіктесі.

Мемлекеттер басшылары екіжақты қарым-қатынасты, атап айтқанда, сауда-экономика және мәдени-гуманитарлық салалардағы байланыстарды одан әрі дамытуға бейіл екенін жеткізді. Сонымен қатар фармацевтика, өнеркәсіптік машина жасау және инженерия сияқты салаларда фин компанияларымен бірлесе қолға алған жобалардың табысты жүзеге асырылып жатқанын атап өтті.

Бұдан бөлек, тараптар халықаралық және өңірлік күн тәртібіндегі өзекті мәселелер, сондай-ақ көпжақты құрылымдар аясындағы ықпалдастық жөнінде пікір алмасты. Қазақстан Президенті Финляндияның ЕҚЫҰ-ға төрағалық ету ісіне табыс тіледі.

Келіссөздер қорытындысы бойынша Қазақстан мен Финляндия президенттері бір-біріне сапармен баруға келісті. Бұл сапарлар Астана мен Хельсинки арасындағы саяси және экономикалық серіктестікті нығайтуға тың серпін береді.

The post Мемлекет басшысы Финляндия Президенті Александр Стуббпен кездесті appeared first on QANDASTAR.KZ.

Президент Бакуге келді

bahitzhanabzal — Tue, 12 Nov 2024 04:33:03 +0000

Фото: Акорда

Президент Дүниежүзілік климат саммитіне қатыcу үшін Бакуге жұмыс сапарымен келді, деп жазады qandastar.kz atamekenbusiness_qaz-ға сілтеме жасап.

Қасым-Жомарт Тоқаев сапар барысында мемлекеттер басшыларымен, халықаралық ұйымдардың жетекшілерімен және бизнес-құрылым өкілдерімен бірқатар кездесу өткізеді.

The post Президент Бакуге келді appeared first on QANDASTAR.KZ.