Бұл туралы саясаттанушы өзінің әлеуметтік желісіне жазды.

Оның айтуынша, Тоқаев экономикалық және әлеуметтік даму бағыттарын ғана емес, цифрландыру мен жасанды интеллектіні дамытуға арналған кешенді шараларды да біртұтас стратегиялық жүйе ретінде ұсынды. Бұл бастамалар елдің ұзақмерзімді дамуына бағытталған жаңа саясаттың айқын көрінісі.

Саясаттанушы әсіресе конституциялық реформаға қатысты айтылған ойларға тоқталды. Президент реформаны жекелеген өзгерістер жиынтығы емес, тұтас идеологиялық платформа ретінде қарастырғанын атап өтті.

Данияр Әшімбаев Тоқаевтың 1995 жылғы Конституцияға берген бағасын да маңызды қадам деп есептейді. Президент негізгі заңның тәуелсіздіктің алғашқы күрделі кезеңінде мемлекетті қалыптастыруда шешуші рөл атқарғанын атап өтіп, тарихи сабақтастықты сақтаудың маңызын көрсетті.

Сонымен қатар, мемлекет басшысы қоғам мен мемлекеттің соңғы онжылдықтарда түбегейлі өзгергенін, әлеуметтік, құқықтық қатынастар мен әлемдік саяси-экономикалық жүйенің жаңа кезеңге өткенін атап өтті. Бұл жағдай елдің құндылықтары мен мақсаттарын қайта қарастырып, оларды конституциялық деңгейде жаңғырту қажеттігін туындатып отыр.

Сарапшының пікірінше, жаңа конституциялық реформаның өзегі – басқару моделін өзгерту ғана емес, дәстүрлі саяси құндылықтарды сақтай отырып, оларды заманауи мазмұнмен толықтыру. Бұл адам құқықтары мен қоғамдық мүдделер арасындағы тепе-теңдікті, сондай-ақ эволюциялық даму мен жаңғыру арасындағы үйлесімділікті институционалдық деңгейде бекітуге бағытталған.

Президент атап өткен прогрессивті нормалар мен эволюциялық даму қағидаты жаңа саяси, құқықтық және әлеуметтік-экономикалық модельдің негізін қалыптастырып, Қазақстанның дамуының жаңа кезеңіне жол ашатыны айтылды.

The post Саясаттанушы: Тоқаевтың 1995 жылғы Конституцияға берген бағасы – маңызды қадам appeared first on QANDASTAR.KZ.

Бұл жөнінде саясаттанушы Данияр Әшімбаев  Telegram арнасындағы парақшасында   пікір білдірді.

Сарапшының айтуынша, екі палаталы парламент кезінде кез келген шешімді өткізу үшін Мәжіліс пен Сенаттағы депутаттармен бөлек жұмыс жүргізу қажет еді. Енді парламент бір палаталы жүйеге көшкенде әрбір депутаттың дауысы бұрынғыдан да құнды болмақ.

«Мандаттарды бөлу процесінде  саяси  бедел, тәжірибе мен кәсібилік ескерілгенмен, «коммерциялық» сипаттағы шағын кеңістік те барын естен шығармау керек. Бұл партиялардың ресми идеологиялық ұстанымына тікелей байланысты емес.

 Конституцияның 61-бабының 6-тармағы да назар аударуға тұрарлық. Ол депутаттық популизмді тежегенімен, көбіне жемқорлық тәуекелдерін заң шығарушы емес, атқарушы билікке бағыттайды», — деді сарапшы.

Әшімбаевтың пікірінше, бұл факторлардың барлығы бюджет процесіне айтарлықтай әсер етеді. Бір кезде парламент үкіметке бюджет ішіндегі ірі сомаларды түзетусіз қайта бөлуге рұқсат берген. Бұл бюрократияны азайту мақсатында жасалғанымен, жылдар бойы бюджет саясатының тиімділігі арта қойған жоқ.

Саясаттанушы алдағы реформа осы процесті қайта қарауға мүмкіндік беретінін айтады. Кейбіреулер ресми лоббизм институтын енгізуді ұсынғанмен, Әшімбаевтың пайымынша, бұл «жемқорлықты заңдастырудың» бір түріне айналуы мүмкін.

Сонымен бірге заң шығару ісіне жасанды интеллектті енгізу туралы пікірлер де бар. Алайда саяси сарапшы мұны да «жаңа типтегі жемқорлыққа» жол ашатын тәуекел деп біледі, өйткені мұндай жүйе жеке мүдделермен тоғысуы ықтимал.

The post Парламенттік реформа көлеңкелі лоббизм мәселесін қайта көтереді – саясаттанушы appeared first on QANDASTAR.KZ.

Ашимбаевтың айтуынша, Украина Қазақстанның бейтарап ұстанымына қарамастан, елімізге қатысты дұшпандық сипаттағы қадамдар жасап келеді. Ол мұны:
• ақпараттық провокациялар,
• алаяқтық пен қылмыстық схемалардың өсуі,
• есірткі трафигінің белсенділігі,
• КТК инфрақұрылымына жасалған диверсиялар арқылы дәлелдейді.

Сарапшы СІМ мәлімдемесін «өте қатаң сигнал» деп атап, Астана Киевтен мұндай шабуылдарды болдырмауға бағытталған нақты шараларды талап етіп отырғанын жеткізді.

Әшімбаев ақпараттық кеңістікте Украина әрекеттерін ақтауға тырысатын медиатоптар бар екенін, олардың бір бөлігі батыстық ақпараттық желіге жұмыс істейтінін атап өтті. Оның пікірінше, бұл топтар Қазақстанға қарсы саяси-идеологиялық қысым қалыптастыруға ұмтылады.

Сарапшы посткеңестік кезеңде Қазақстан мен Украинаның даму жолдары түбегейлі ажыралғанын айтады: Қазақстан тұрақтылық пен көпвекторлы саясатты таңдаса, Украина ішкі саяси дағдарыстар мен сыртқы тәуелділікке ұрынған. Сондықтан Астана прагматикалық позицияны ұстанған сайын қысымға көбірек тап болатынын алға тартты.

Әшімбаев Қазақстанның СІМ өте анық позиция білдіргенін, енді Астананың Киевтен ресми жауап күтіп отырғанын атап өтті. Оның пікірінше, Қазақстан ұлттық мүдделерін қорғауға арналған бірнеше сценарийді алдын ала дайындап қойған болуы мүмкін.

The post Сарапшы: Украина Қазақстанға қысым көрсетуде appeared first on QANDASTAR.KZ.

Үкіметте журналистер отставкаға кету, тағы да басқа мәселеге қатысты арандататын сұрақтар қояды. Соның әсерінен ақпараттық кеңістік қажетсіз жаңалықпен толығып, талқылануы тиіс тақырыптар тысқары қалып жатыр деп айтты саясаттанушы Данияр Әшімбаев, — деп хабарлайды qandastar.kz

«Роман Скляр бүгінгі брифингте орынсыз сауалдарды атап өтті. Бір жағынан, министрлер өзекті сұрақтарға жауап беріп, өз ұстанымдарын дәлелдеп, пікірталас жүргізе алуы керек. Екінші жағынан, іс жүзінде үкіметке қандай да бір бақылау енгізу қажет. Өйткені қазір сараптамаға емес, сыбыстарға негізделген хайп әңгімелерге ден қойылады. Идеология емес, жеке мүдде алға шығып тұр» деп жазды ол телеграм арнасында.

Айта кетейік, жақында Президент қоғамның әкімдерге қояр талабы әрқашан жоғары екенін айта келе, әкімдердің әр қадамын аңдып, жөнсіз килігетіндерді де сынады.

«Қоғамның әкімдерге қоятын талабы қашанда жоғары. Бұл – заңды құбылыс. Әкімнің жұмысына сын көзбен қарау – демократиялық қоғамға тән қалыпты нәрсе. Бірақ сынағанның жөні осы екен деп, тым артық кететін әсіре белсенділер де бар. Өзін блогер санайтын кейбір адамдар әкімнің әр қадамын аңдуды әдетке айналдырды. Жұмысқа кедергі жасап, тіпті, қоқан-лоқы көрсететіндер бар. Әрине, ауыл, аудан немесе қала тұрғындары болсын, барлығы жайлы өмір сүргісі келеді. Азаматтарға барынша қолайлы жағдай жасау – әкімге де, жергілікті мәслихаттарға да ортақ міндет», — деді президент.

The post Саясаткер: Медиакеңістік жеңіл әңгімеге толы, маңызды мәселелерге сараптама жасалмайды appeared first on QANDASTAR.KZ.