Дәрігерлер қант диабетінің ең қауіпті ерекшелігі — оның ұзақ жылдар бойы білінбей дамуы екенін ескертеді. Адам алғашқы белгілерді қарапайым шаршаумен шатастырып жүре береді. Бірақ осы «майда» белгілердің артында қант деңгейінің баяу, бірақ тұрақты түрде жоғарылауы жатыр. Бұл өзгерістер уақыт өте келе қан тамырларын, көзді, бүйректі және жүйке жүйесін зақымдауы мүмкін.

Соңғы жылдары дәрігерлер жиі байқалатын симптомдардың өзгергенін атап өтуде. Бұрын диабеттің алғашқы белгілері қатты шөлдеу немесе тез салмақ тастау болса, қазір жас адамдарда ол мүлде байқалмайды. Оның орнына әлсіздік, бас айналу, қол-аяқтың мезгіл-мезгіл ұюы, көздің бұлдырауы, түнгі мазасыздық, ашушаңдық және тәттіге тәуелділіктің күшеюі жиі көрінеді. Осындай белгілер диабеттің ерте кезеңін білдіруі мүмкін.

Сарапшылар қазір жастар арасында инсулинге төзімділік — диабеттің алғашқы сатысы — өте жиі кездесетінін айтады. Бұл күй қан тамырлары мен жүрекке үлкен салмақ түсіреді. Ауру уақытында анықталмаса, ол тез арада нақты диабетке ұласуы мүмкін. Сол себепті дәрігерлер қантты тексеруді тек қант диабеті күдігі бар адамдарға ғана емес, жалпы 20 жастан асқандарға жыл сайын бір рет жасауды ұсынып отыр.

Мамандардың айтуынша, алдын алу — ең тиімді әдіс. Қарапайым физикалық белсенділік, тәтті сусындарды азайту, дұрыс тамақтану, салмақты бақылау және жыл сайынғы тексеріс — диабеттің дамуын айтарлықтай тежейді. Егер алғашқы белгілер байқалса, міндетті түрде терапевтке немесе эндокринологқа қаралу қажет. Ерте диагноз – кейінгі асқынулардың алдын алатын жалғыз жол.

The post Қант диабеті жасарып барады: дәрігерлер жаңа белгілерді атады appeared first on QANDASTAR.KZ.

Зерттеуде АҚШ-тың Ауруларды бақылау және алдын алу орталығы (CDC) жүргізетін ірі сауалнама — Behavioral Risk Factor Surveillance System деректері пайдаланылған. 2022 жылғы мәліметтерді қамтыған бұл зерттеуге сегіз штаттан жиналған 65 жастан асқан 13 мыңнан астам респондент қатысқан.

Ғалымдар балалық шақтағы физикалық немесе сексуалдық зорлықты бастан кешкендерді арнайы шығарып тастап, тек ата-анасының ажырасу әсерін жеке бағалауға тырысқан. Талдау күтпеген нәтижені көрсетті: ата-анасы ажырасқан адамдарда инсульт даму қаупі 61 пайызға жоғары болып шыққан. Бұл көрсеткіш кейбір медициналық факторлармен салыстыруға келеді, мысалы, диабет инсульт қаупін 37 пайызға, ал депрессия 76 пайызға арттырады.

Зерттеушілер мұндай байланысты балалық шақтағы ұзақ мерзімді күйзеліс жағдайларымен түсіндіреді. Ажырасу кезінде бала көбіне отбасындағы келіспеушіліктерге, тұрмыстық қиындықтарға, болашаққа деген сенімсіздікке тап болуы мүмкін. Осындай жағдайлар стресс гормондарының қызметін реттейтін гипоталамо-гипофизарлық жүйеге теріс әсер етіп, жүрек-қан тамырлары ауруларының даму қаупін ұзақ жылдарға ұлғайтады.

Инсульт – әлем бойынша өлім-жітім мен мүгедектіктің негізгі себептерінің бірі. Қазіргі уақытта мамандар қауіп факторларын тек ересек адамдардың өмір салтымен байланыстырмай, адамның ерте жастағы психологиялық тәжірибелеріне де көбірек назар аударып келеді. Бұған зорлық, қараусыз қалу, отбасылық жанжалдар сияқты факторлар бұрыннан белгілі. Алайда ата-анасының ажырасуының жеке әсері ұзақ уақыт бойы ауыр психологиялық жарақаттармен бірге қарастырылып, жеке зерттелмеген еді.

The post Ғалымдар инсульт алу қаупін 61 пайызға дейін арттыратын факторды анықтады appeared first on QANDASTAR.KZ.

Жас өнертапқыштың айтуынша, бағдарлама адам денсаулығына байланысты 8 түрлі көрсеткішті талдап, бірнеше ықтимал диагнозды бір уақытта шығара алады. Жүйе жылдамдығы мен дәлдігі жағынан дәстүрлі талдау әдістеріне қарағанда әлдеқайда тиімді.

Арсеннің бұл идеяны әзірлеуіне отбасы жағдайы әсер еткен. Оның қарындасына нақты диагноз қою үшін дәрігерлерге бірнеше ай қажет болып, төрт ай бойы түрлі тексерулерден өткен. Сол кезде жасөспірім медициналық процестердің баяулығын байқап, ауруды анықтайтын жылдам әрі қолжетімді жүйе жасауды мақсат еткен.

Қазір Арсен бағдарламаны жетілдіру үшін команда жинап, интерфейсін жақсартуды, ауру түрлерін кеңейтуді және медициналық мамандармен бірлесіп клиникалық сынақтар жүргізуді жоспарлап отыр.

The post Мектеп оқушысы диабет ауруын 3 секундта анықтайтын бағдарлама ойлап тапты appeared first on QANDASTAR.KZ.