Бұл туралы Instagram парақшасында адвокат Асылбек Әбдірайымов жазды. Оның мәліметінше, әйел күйеуінің келісімінсіз жылқыларды сатып жіберген. Осыдан кейін ер адам полицияға арыз түсірген. Көп ұзамай қайғылы оқиға орын алып, марқұмға шамамен 30 рет пышақ жарақаты салынғаны айтылады.

Адвокат әлеуметтік желідегі жазбасында қандай да бір мүлік немесе қаржы адам өмірінен қымбат емес екенін атап өтіп, бір сәттік ашудың бірнеше адамның тағдырын өзгерткенін жеткізді.

Ал Алматы облысы Полиция департаменті отбасылық-тұрмыстық жанжал негізінде адамдар тобы жасаған кісі өлтіру дерегі бойынша қылмыстық іс қозғалғанын мәлімдеді. Күдіктілер ұсталып, уақытша ұстау изоляторына қамалған.

Қазір оқиғаның барлық мән-жайын анықтауға бағытталған тергеу амалдары жүргізілуде. Тергеу мүддесіне байланысты өзге ақпарат жария етілмейді.

The post Талғарда отбасылық жанжал адам өлімімен аяқталды appeared first on QANDASTAR.KZ.

Өкінішке қарай, жол-көлік оқиғасы салдарынан зардап шеккен әйел оқиға орнында көз жұмды.

Қазіргі уақытта оқиғаның барлық мән-жайлары анықталып жатыр.

Қарағанды облысының полиция департаменті жүргізушілерді, әсіресе аула мен тұрақта маневр жасағанда, барынша сақ болуға және жол қозғалысы ережелерін қатаң сақтауға шақырады.

 

Посмотреть эту публикацию в Instagram

 

Публикация от Темиртау🇰🇿| Новости, События, Обзоры (@temirtau.today)

The post Теміртауда жүргізуші зейнеткерді қағып өлтірді (ВИДЕО) appeared first on QANDASTAR.KZ.

Марқұм қыздың ағасы Сұлтан Серікбай мән-жайды Threads желісіндегі парақшасында жазды.

Шынымызды айтсақ қан жылап отырмыз. Әр жаңалықты оқып отырамыз. Қолдау көрсетіп отырған жандарға рақмет айтамыз. Қазір қолымыздан сол (“адамға” деген сөзді айтуға қимай отырмын) ең жоғары жазаны беру ғана келеді. Қысқаша айтқанда қарындасым ең ақылды, сабырлы, тұйық, жуас қыз болғандықтан барынша басынған. “Жоқ” деген сөзді түсінбеген. Сталкер болған, – деп жазды ол.

Сондай-ақ марқұмның ағасы көпшіліктен қолдау білдіруді сұрады.

Бұл оқиғаны бүкіл жерге таратып, қолдауларыңызды сұраймыз (әділ шешім шығаруға). Қазір бізге артық сөз сөйлеуге, жазуға болмайды. Өйткені кейін арғы жақтың адвокаттары тырнақ астынан кір іздейді. “Сот процесі” әділ өтеді деген сенім бар. Бәрімізге сабыр мен жүрек тыныштығын берсін, – деп жазды ол.

Айта кетейік, бұған дейін 2026 жылғы 11 қаңтар күні Шымкентте 21 жастағы қыз пышақ жарақаттарынан көз жұмды. Аталған факті бойынша кісі өлтіру бабымен қылмыстық іс қозғалып, жедел-тергеу іс-шаралары жүргізіліп жатыр.

Марқұм – студент Нұрай Серікбай. Оны 11 қаңтар күні кешке Төлеметов пен Өтегенов көшелерінің қиылысында пышақтап кеткен. Бейнежазба кадрларынан қыздың қашуға тырысқанын, кейін қарсылық көрсетіп, ал жігіттің оны ұрып-соғып, пышақ сұққанын көруге болады. Оқиғадан соң күдікті оқиға орнынан қашып кеткен.

Біз бұған дейін 21 жастағы қызды пышақтап өлтірді деген күдікпен оның танысы ұсталғаны туралы жазған болатынбыз.

The post «Әбден басынып, сталкер болған»: Шымкентте қаза тапқан 21 жастағы қыздың ағасы жағдайға қатысты пікірін білдірді appeared first on QANDASTAR.KZ.

Соттың ресми түсіндірмесіне сүйенсек, іс сотқа Қылмыстық кодекстің 99 бабы, 1 тармағы бойынша түскен. Марқұм Айзаттың туыстары істі 99 баптың, 2 бөлігі, 5-тармағына сай қайта саралауды сұраған. Бұл бап – адамды аса қатігездікпен өлтіруге жатады.

Алайда, Қылмыстық кодекстің 340-бабының 1-бөлігіне сәйкес, негізгі сот процесі тек сотталушыға қарсы және ол сотталып жатқан айыптау аясында жүрді. Сондықтан, сот сотталушыны ауыр қылмыстық заң бойынша соттай алмайды және осылайша сотталушының жағдайын нашарлатпайды, – деп жазылған соттың ресми түсіндірмесінде.

Айбар Жанболаттың қорғауы оны, тіпті, «Адам өлтіру» бабы бойынша емес, Қылмыстық кодекстің 106-бабы, 3-бөлігі бойынша, яғни, жазасы 3 жылдан 8 жыл аралағында болатын «Денсаулыққа қасақана зиян келтіру» бабы бойынша соттауды сұраған.

Қылмыстық кодекстің 99-бабының 1-бөлігі бойынша жаза 8 жылдан 15 жылға дейін бас бостандығынан айыру жазасын көздейді. Сот үкім шығару кезінде сотталушының қылмысты мас күйінде жасағанын және жеңілдететін мән-жайлардың жоқтығын ескерді. Айбар Жанболаттың бұрын соттылығы болмағанын ескере отырып, оған 14 жылға бас бостандығынан айыру жазасы тағайындалды, ол орташа қауіпсіздіктегі түзеу мекемесінде өтелсін. Біз бұл жаза жасалған қылмысқа сәйкес келеді, Айбар Жанболатты түзеуге және оның одан әрі қылмыс жасауына жол бермеуге жеткілікті деп санаймыз, – деп жазады соттың баспасөз қызметі.

Дереккөзге сүйенсек, Айзат Жанболаттың туыстары оның өлімі үшін күйеуінен 100 000 000 теңге көлемінде моральдық залал өтеуді талап еткен.

Сот моральдық шығынның қонымды және әділдік өлшемшарттарына сүйене отырып, сондай-ақ кінәлінің жеке басын, жасын және қаржылық жағдайын ескере отырып, жәбірленуші талап еткен 20 000 000 теңге көлеміндегі моральдық залалды ішінара өндіріп алды деп санайды, – деп жазады соттың баспасөз қызметі.

Айта кетейік, сотта Айзат Жұманованы күйеуі өлімші хәлде ауруханаға әкелген видеосы таралған болатын.

The post «20 млн теңге өтемақы»: сот Айзат Жұманованың қазасы неге «аса қатігез» өлім болмағанын түсіндірді (ВИДЕО) appeared first on QANDASTAR.KZ.

Жаңа жылда жақындары Дананы жұмыс орнынан алып кетпек болған. Алайда, жұмыс қызып жатыр деген желеумен басшылық кассада тұрған бойжеткенді жібермей қойған.

Мамасы мен сіңлісі тамақ алып барғанда газдың шығып тұрғанын ескерткен. Мына жерде газдың иісі шығып тұр деп айтқан. Одан кейін сол жерде бір емес бірнеше адам ескерткен. Газдың иісі қатты шығып тұр деп. Тек ақшаға құнығып кеткен. Сол иесінің техникалық қауіпсіздікті сақтамағанының кесірінен осындай қайғы жұтып отырмыз отбасымызбен, – дейді марқұмның туысы Гүлжамал Сержанова.

Марқұм бұл жұмысқа бір ай бұрын ғана орналасқан екен. Екінші курс студенті жер қойнына тапсырған жақындары кінәлілердің қатаң жазалануын талап етіп отыр.

Алдын алу керек еді. Осы жағдай болғаннан кейін ғана облыс бойынша төтенше жағдайлар қызметкерлері тексерісті енді бастап жатыр. Бәрі сыбайлас болған ба?! Неге осы уақытқа дейін жұмыс істемеген? Сол бізді күйіндіріп бара жатқан. Міндетті түрде адам өлу керек пе сонда? Біз кешіре алмаймыз. Тиісті адамдар тиісті жазасын алу керек, – дейді марқұмның туысы Жандос Аймұрзаев.

Күлі көкке ұшқан қоғамдық тамақтану орнының аумағы қазір түгелдей темір тормен қоршалып, ғимараттың өртенген жерін көрсетпей жауып тастаған екен. Алайда жарылыстың болғанын жоғарыдағы пәтерлердің сынған терезелерінен байқауға болады. Жарылыс кезінде денесін күйік шалған тағы төрт жігіт қазір ауруханада. Екеуі жансақтау бөлімінде ем алып жатыр.

Терезелері сынған. Барлығының жөндеу жұмыстары жүргізіліп, ішінара клёнкамен қаптаған жерлерін бәрін істеп жатырмыз. Газ баллон жарылған. Қауіпсіздік шараларын сақтамағаннан болып тұр. Іс қозғалды, – деді Кентау қаласы әкімінің орынбасары Бауыржан Әбенұлы.

Облыс әкімінің басшылығымен жедел штаб құрылып, оқиғаның барлық мән-жайы анықталып жатыр. Әкімдіктегілер зақым келген үйлерді қалыпқа келтіреміз деп отыр.

The post Түркістандағы жарылыстан қаза тапқан қыздың туыстары кінәлілердің жазалануын талап етті (ВИДЕО) appeared first on QANDASTAR.KZ.

Оқиға Qazaq Oil жанармай құю бекетінің маңында болған. Mercedes көлігін тізгіндеген 2004 жылғы жүргізуші қарсы жолаққа шығып кетіп, 1979 жылы туған азамат басқарған Газель көлігімен соқтығысқан.

Соқтығыс нәтижесінде екі көлік те толықтай жанып кеткен. Қайғылы жағдай салдарынан Газель көлігінде болған 1966 жылы туған әйел жолаушы оқиға орнында көз жұмды.

Аталған факт бойынша қылмыстық іс қозғалып, тиісті тергеу амалдары жүргізілуде. Полиция жол қозғалысы ережелерін қатаң сақтау қажеттігін және қарсы жолаққа шығу кезінде аса мұқият болуды ескертеді.

 

Посмотреть эту публикацию в Instagram

 

Публикация от АТЫРАУ | ҚАЗАҚСТАН | 06 🌷 (@atyrauoil.official)

The post «Көлікті 2004 жылғы жігіт жүргізген»: Атырауғы жол-көлік апатында бір әйел көз жұмды (ВИДЕО) appeared first on QANDASTAR.KZ.

Ақтөбе облыстық сотының баспасөз қызметінің хабарлауынша, апелляциялық шағым түсіп, істі қылмыстық істер жөніндегі сот алқасы қарады. Апелляциялық шағымды жәбірленуші мен оның адвокаттары, сондай-ақ сотталған Б., М., Т. және олардың адвокаттары мен заңды өкілдері түсірген.

Сотталғандардың кәмелетке толмағандығы, кінәсін мойындағаны, іс-әрекеттеріне өкінгені, жәбірленуші тараппен медиациялық келісім жасалғаны және сотталғандардың жазасын жеңілдетуді сұраған жәбірленуші тараптың пікірі ескерілді. Сот алқасы шартты түрде жаза тағайындау туралы шешім қабылдады. Қылмыстық кодекстің 63-бабы бойынша сотталғандар Б., М., Т-ның жазалары шартты деп есептелінді. Үкімнің қалған бөлігі өзгеріссіз қалдырылды. Апелляциялық қаулы заңды күшіне енді, – деп хабарлады Ақтөбе облыстық сотының баспасөз қызметі.

Еске салсақ, Ақтөбе облысы Темір ауданы Қопа ауылында 11 және 10-сынып оқушылары 9-сынып оқушыларын ауыл маңындағы моншаның жанына жинап, оларды ұрып-соқты. Сол кезде 9-сынып оқушысы оқиға орнында көз жұмды.

The post Ақтөбедегі оқушының өлімі: Сотталғандар түрмеден босап шықты appeared first on QANDASTAR.KZ.

Астана қалалық Полиция департаменті аталған деректі растады. Құқық қорғау органдарының мәліметінше, оқиға бойынша «денсаулыққа қасақана ауыр зиян келтіру, абайсызда өлімге әкеп соғу» бабы бойынша сотқа дейінгі тергеу басталған.

Полиция қызметкерлері күдікті ретінде екі адамды ұстап, уақытша ұстау изоляторына қамаған.

Тергеу барысында анықталғандай, оқиға түнгі мекемелердің бірінің маңында болған. Жас жігіттер алдымен сөзге келіп қалған, кейін жанжал төбелеске ұласқан. Қақтығыс кезінде 18 жастағы азамат өміріне қауіпті жарақат алып, оқиға орнында көз жұмған.

Полиция өкілдері қазіргі уақытта оқиғаның барлық мән-жайы анықталып жатқанын мәлімдеді.

Сонымен қатар департамент қала тұрғындары мен қонақтарын ойын-сауық орындарында қоғамдық тәртіпті сақтауға шақырды. Құқық қорғау органдары кез келген заңға қайшы әрекет үшін қолданыстағы заңнамаға сәйкес жауапкершілік қарастырылғанын ескертті.

Қылмыстық іс бойынша тергеу жалғасып жатыр.

The post Астанадағы түнгі клубтың маңында 18 жастағы жігіт қаза тапты appeared first on QANDASTAR.KZ.

Облыстық полиция департаментінің мәліметінше, зейнеткердің жағдайы күрт нашарлаған.

Suzuki маркалы көлікті жүргізіп келе жатқан 67 жастағы зейнеткердің жағдайы күрт нашарлап, көлік тоқтап қалған. Оның жанындағы жолаушы жедел жәрдем шақырған. Алайда, дәрігерлер келгенше зейнеткер көз жұмды, – деп хабарлайды ШҚО полиция департаменті.

The post Өскеменде көлік тізгіндеген зейнеткер жол үстінде көз жұмды appeared first on QANDASTAR.KZ.

Ер адам жеңіл автокөлікпен мал іздеуге шығып, үйіне қайтып оралмаған.

2025 жылғы 23 желтоқсанда шамамен сағат 11:00-де іздестіру іс-шаралары барысында полиция қызметкерлері бұрын жоғалып кеткен зейнеткерге тиесілі автокөлікті анықтады. Көлік Ағадыр кентінен шамамен 35 шақырым қашықтықта, Ортау ауылы бағыты бойынша, таулардың ортасындағы дала жолынан табылған. Автокөлік қарға көміліп қалған. Автокөлік салонын тексеру кезінде көліктен ер адамның мәйіті табылды. Алдын ала мәлімет бойынша, зорлық-зомбылық белгілері анықталған жоқ, – деп хабарлады Қарағанды облысының ПД баспасөз қызметі.

Қазіргі уақытта оқиғаның барлық мән-жайын анықтауға бағытталған тергеу амалдары жүргізілуде.

The post Қарағанды облысында мал іздеуге шыққан ер адам көлігінің ішінде көз жұмды appeared first on QANDASTAR.KZ.