Олардың айтуынша, Астанадан Атырауға 20:05-те ұшуы тиіс ұшақ дәл бортқа отырғызар алдында 22:00-ге шегерілген, кейін тағы бірнеше рет уақыт ауыстырылып, барлығы сегіз рет кейінге қалдырылған.

Жолаушылардың сөзіне қарағанда авиакомпания ешқандай алдын ала ескерту жасамағандықтан, адамдар ұзақ уақыт бойы әуежайда белгісіздікпен күтуге мәжбүр болған. Күтушілер арасында қарттар да, кішкентай баласы бар аналар да болған. Ұзаққа созылған кідіріс кезінде компания тарапынан өтемақы ұсынылмаған, билет ақшасын қайтару мүмкіндігі көрсетілмеген, сондай-ақ демалатын орындар ұйымдастырылмаған. Түнгі екіге дейін авиакомпанияның бірде-бір өкілі жағдайды түсіндіруге шықпаған.

Алғашқы уақытта 20:05-ке жоспарланған рейс тек түнгі 3:00-де жүзеге асқан. Жолаушылардың айтуынша, бірнеше сағат бойы оларға тек қара шай мен лепёшка ғана берілген, ал 0,33 литрлік су тек 21:00 шамасында таратылған. Көпшілік егер кідірістің ұзақ болатыны алдын ала хабарланғанда, қалаға қайта шығып, қалыпты жағдайда күтуге болатынын айтады.

The post Жолаушылар наразы: Air Astana авиакомпаниясының рейсі 8 рет ауыстырылған appeared first on QANDASTAR.KZ.

Куәгерлердің айтуынша, бортқа отырғызу белгіленген уақытта басталғанымен, кейін жолаушылар ұзақ уақыт күту аймағында тұруға мәжбүр болған. Әлеуметтік желіде тараған кадрлардан адамдардың тар жерде топталып тұрғаны, кейбірінің жерде отырғаны, ал балалардың ұйықтап қалғаны байқалады. Ересектердің бірі бөлмеде ауа жетпей жатқанын айтып шағымданған.

Көліктегі полиция департаменті оқиғаға қатысты түсініктеме берді. Ведомствоның хабарлауынша, отбасымен бірге сапарға шыққан ер адам ұшақ экипажының заңды талабына бағынбаған. Жолаушылар ұшаққа отырғызылған соң, ол өз бетінше салонынан шығып кеткен. Мұндай әрекет — әуе қауіпсіздігі ережелерін өрескел бұзу болып саналады.

Полиция тәртіп бұзушыны әуежайда ұстаған. Құқық бұзушыға қатысты әкімшілік хаттама толтырылып, іс құзырлы органдарға жіберілді.

The post Астанадан Ақтауға рейс жолаушының тәртіп бұзуы салдарынан кешікті appeared first on QANDASTAR.KZ.