Мамандардың айтуынша, автолизингтің халық сұранысына ие болмауының басты себебі — оның қымбат екені. Бұл қызмет көпшілік үшін қолжетімсіз болып отыр. Бағдарлама іске қосылғалы бері небәрі бір ғана мәміле жасалған, ал банктердің басым бөлігі оны толыққанды енгізуге асықпаған.

Автосарапшы Алексей Алексеевтің пікірінше, ұсынылып отырған лизинг шын мәнінде автонесиенің баламасы ғана. Ал мұндай өнімге қызығушылық тек ол дәстүрлі несиеге қарағанда тиімді болған жағдайда пайда болады.

Көліктің иесі болмай тұрып, оны лизингке алудың не қажеті бар? Оның үстіне шарттары тиімсіз болса. Батыс елдерінде адам көлікті 2–3 жылға лизингке алады да, тек амортизация құнын ғана төлейді, – дейді Алексей Алексеев.

Әлемдік тәжірибеде автоконцерндер өздерінің лизинг компанияларын құрады. Ал Қазақстанда бұл іске банктердің араласуы қызмет құнын одан әрі өсіріп отыр.

Банк араласқан сәттен бастап базалық мөлшерлеме, пайыздар, қызмет көрсету ақысы қосылады да, бұл мүлде тиімсіз схемаға айналады. Мұндай өнім ешкімге қажет емес, сондықтан оны ешкім пайдаланбайды, – дейді сарапшы.

Сонымен қатар, мамандар бағдарламаның болашағына біржақты баға беруге әлі ерте екенін айтады. Өйткені автолизинг — нарық үшін жаңа өнім, ол заңнамалық тұрғыда әлі де пысықтауды қажет етеді.

Тағы бір сарапшы Арсен Шакуов баға саясаты нақты әрі түсінікті болуға тиіс деп есептейді.

Бағасы, шарттары нақты бекітілуі керек. Тариф бірыңғай болса, әр банкте әртүрлі пайыз болмайды. Сонда адамдардың таңдауы айқын болады: көлікті қымбатырақ несиеге алу немесе арзанырақ лизингке рәсімдеу, – дейді ол.

The post «Көпшілік үшін қолжетімсіз»: Қазақстанда автолизинг бағдарламасы неліктен сәтсіз басталды? appeared first on QANDASTAR.KZ.

Оның айтуынша, 10 жыл бұрын сауда желілеріндегі акциялы тауарлардың үлесі жалпы айналымның 5 пайызынан аспаған. Қазіргі таңда бұл көрсеткіш 40 пайызға дейін өскен. Мұның басты себебі — халықтың сатып алу қабілетінің айтарлықтай төмендеуі.

«Бұрын тұтынушылар сауда желілеріне адал болатын, ал жеңілдіктерді іздейтін адамдардың үлесі кезеңге байланысты небәрі 2-5 пайызды құрайтын. Ал қазір сатып алушылардың 55-60 пайызы белгілі бір желіге байланбай, ең алдымен жеңілдікті іздейді. Бүгінде сауда желілері жарнамасында бағаны төмендетуге басты назар аударады. Бұл халықтың сатып алу қабілетінің төмендеп жатқанын көрсетеді: адамдар сапаға, ассортиментке немесе жайлылыққа емес, ең арзан бағаға басымдық беруде», — деді ол.

Сарапшының айтуынша, сұраныс құрылымының өзгеруі елдегі экономикалық жағдайды айқын көрсетеді. Қазақстандықтар күнделікті тұтынуда бренд пен сападан бас тартып, ең алдымен бағаға қарап таңдау жасауға мәжбүр болып отыр.

The post Сарапшы қазақстандықтардың сапаға емес, арзан бағаға қызығатынын айтты appeared first on QANDASTAR.KZ.

Экономикалық ынтымақтастық және даму ұйымы (ЭЫДҰ) халықаралық ақпарат алмасудың жаңа тетігін – IPI MCAA жүйесін енгізуге кірісті. Жобаға қазірдің өзінде 26 мемлекет қосылды.

Жаңа жүйе арқылы елдер бір-бірімен автоматты түрде төмендегі деректермен бөлісе бастайды:

• жылжымайтын мүліктің нақты иесі;
• объектінің нарықтық құны;
• сатып алу-сату тарихы;
• жалға беруден түсетін табыс;
• мүлікке қатысты қосымша операциялар.

Осылайша, бұрын жабық саналып келген шетелдегі пәтерлер, виллалар, коммерциялық нысандар және басқа активтер туралы ақпарат енді толық дерлік ашық форматта қолжетімді болмақ.

Салық салу жөніндегі сарапшы Айдар Масатбаев бұл жаңалықтың маңызын былай түсіндіреді:

Қазірге дейін автоматты ақпарат алмасу тек банк есепшоттары мен криптоактивтерді қамтыды. Ал жылжымайтын мүлік деректері жабық болды. Сол себепті көптеген шенеуніктер мен бизнесмендер активтерін офшорлық компанияларға тіркеп, шетелдегі мүлікті жасыра алатын. Енді бұл схема айтарлықтай қиындайды, – дейді сарапшы.

IPI MCAA жүйесі толық іске қосылған кезде Қазақстан да өз азаматтарының шетелдегі жылжымайтын мүлкі туралы ақпаратты автоматты түрде алып отырады деп күтілуде. Бұл көлеңкелі капитал қозғалысын азайтып, заңсыз жолмен табылған активтерді жасыруды шектеуге бағытталған халықаралық бастама.

The post Қазақстандық шенеуніктерге шетелдегі мүліктерін жасырын ұстау қиындайды appeared first on QANDASTAR.KZ.

Ол өзінің мәлімдемесінде Omarket атты жекеменшік сайт әрбір мемлекеттік тендерден 5 пайыз комиссия ұстайтынын айтты.

Сарапшының сөзінше, аталған компанияның құрылтайшыларының арасында Ресей азаматтары бар. Оның айтуынша, бұл тұлғаларды ҚР Қаржы министрі қорғап отыр.

«Нәтижесінде халықтың миллиардтаған теңгесі шетелге кетіп жатыр», – дейді Жүнісов.

Бұл мәселе ҚР Президенті Әкімшілігінің басшысы Айбек Арқабайұлының назарына ұсынылды.

The post Белгілі сарапшы тендер дауын көтеріп, Президентке үндеу жасады appeared first on QANDASTAR.KZ.

«Такси Казахстан 2025» форумының кулуарында ол осы жылдың күзіне дейін бизнес қауымдастық бөлшек салықтың тыйым салынған қызмет түрлері тізіміне қатысты қызу пікірталас жүргізгенін еске салды. 16 қазанда Үкімет артық шектеулерді алып тастап, жеңілдетілген декларация негізіндегі арнайы салық режимін сақтау туралы шешім қабылдады. Нәтижесінде тыйым салынған қызмет түрлерінің саны 44 болып қалды — бұл қазіргі заңнамадағы көрсеткішпен бірдей.

«Егер біздің саланы жеңілдетілген режимнен шығарып, бөлшек салықтан алып тастаса, таксопарктердің салықтық жүктемесі 6,5 есе артар еді. Бұл біз үшін өте маңызды мәселе, себебі біз тікелей жүргізушілермен жұмыс істейміз, олардың еңбекақысы, көлік жалдау, шеринг сияқты шығындар бар», – деді Әбелқасов.

Оның айтуынша, Ұлттық экономика министрлігі тыйым салынған қызмет түрлерінің нақты тізімін әлі жариялаған жоқ. Дегенмен, алдын ала берілген ақпарат бойынша, такси саласына өзгеріс тимейді, сондықтан қазіргі салықтық жүктеме сол күйінде қалады.

«Жаңа Салық кодексінің жағымды жаңалықтарының бірі – “өзін-өзі жұмыспен қамтыған” ұғымының енгізілуі. Қазір сұрақ туындап отыр: жүргізушілер мен агрегаторлар немесе таксопарктер арасында құжат айналымы бола ма, әлде бәрі чектер арқылы жеңілдетілген түрде рәсімделе ме? Біз бұл мәселені алдын ала білгіміз келеді, себебі 2026 жылдың 1 қаңтарына дейін дайын болуымыз керек. Егер құжат қажет болса – процесті автоматтандыру қажет», – деді ол.

2026 жылдан бастап ҚҚС мөлшерлемесінің 12%-дан 16%-ға өсуіне қатысты Әбелқасов бұл өзгеріс такси нарығына айтарлықтай әсер етпейді деп есептейді. Себебі бұл салық барлық салаға ортақ, сондықтан айтарлықтай теңсіздік болмайды.

Сондай-ақ, ол LS порталында бағаның әсері туралы да айтты: бүгінде көптеген таксопарктер іштен жану қозғалтқышы бар көліктерден гөрі электромобильдер мен гибридтерді таңдауға тырысып жатыр. Бұл – жолақы құнындағы жанармай шығынының қысқаруына мүмкіндік береді.

Жалпы алғанда, Әбелқасовтың болжамынша, елімізде такси бағасы инфляция шегінде біртіндеп өсе береді.

The post Такси мен курьерлік қызметтерге жаңа Салық кодексі қалай әсер етеді – сарапшы түсіндірді appeared first on QANDASTAR.KZ.

Сарапшылар Каспий теңізіне қатысты дабыл қағып отыр, деп хабарлайды qandastar.kz Dalanews.kz-ке сілтеме жасап.

24.kz мәліметіне сүйенсек, бес мемлекетке ортақ теңіздің қазақстандық бөлігінде жағалау сызығы 18 шақырымға шегініп кеткен. Ақтауда бас қосқан табиғат жанашыларлары бұл құбылысты экологиялық апатқа теңеп отыр. Жиынға тәуелсіз сарапшылар, жергілікті уәкілетті органдармен қатар, халықаралық ұйым мүшелері де қатысты.

«Каспийдің жылдам тайыздануына оған құятын 130 өзеннің көбінің тартылып қалуы, әсіресе, Еділдің бойында 12 су электр станциясы салынуы тікелей әсер етті. Мәселе ғаламдық деңгейге көтерілмеуін Каспий маңы елдері бірлесе әрекет ету арқылы ғана тоқтата алады», — дейді форумға қатысушылар.

Кейінгі жылдары жүргізілген зерттеулер теңіз суының жалпы аумағы 70 мың шаршы шақырымға дейін шегініп кеткенін көрсеткен.

«Каспий Аралдың тағдырын бастан кешуі мүмкін. Келетін судың мөлшері көбейеді екен деп үміттенудің қажеті жоқ. Олай болса, басқа жобаны қарастыру қажет. Сонау солтүстіктегі Обь өзенінің бір бөлігін Торғай қақпасы арқылы Каспий теңізіне әкеліп құю. Екінші нұсқа — Еуразия каналын салу. Бұл канал арқылы Қара теңізбен, дәлірек айтқанда, Азов теңізі мен Каспий теңізінің арасын Қума-Манаш ойпаттары арқылы қосу», — дейді Amanat партиясы жанындағы экологиялық кеңестің төрағасы Орынбасар Тоғжанов.

The post «Келетін судың мөлшері көбейеді екен деп үміттенудің қажеті жоқ» — сарапшы Каспий турасында appeared first on QANDASTAR.KZ.

Қазақстандық БАҚ-та еліміздегі алғашқы атом электр станциясын Қытай салады деген ақпарат тарады. Қытайдың ұсынысы ең тиімді баға ретінде көрсетіліп отыр, деп жазды qandastar.kz

Алайда энергетика саласының сарапшысы бұл мәселе соншалықты қарапайым емес екенін айтады, деп хабарлайды Orda.kz.

Мұнай-газ саласының сарапшысы Нұрлан Жұмағұлов өзінің Energy Monitor телеграм-арнасында көптеген БАҚ қазақстандық АЭС-ті «қытайлық жоба» ретінде нақты шешілген іс сияқты көрсетіп жатқанын атап өтті. Жазылып жатқандай, Қытайдың CNNC корпорациясы Қазақстанда екі реакторды 5,5 млрд долларға салып беруге дайын екен.

«Бірақ бұл ақпараттың алғашқы дереккөзі белгісіз. Ал көрсетілген баға былтыр айтылған, яғни бұл Қытайдың өз ішіндегі АЭС құны. Жобаның шетелде жүзеге асатынын ескерсек, бағасы екі есеге дейін өсуі мүмкін (логистика, несие пайызы, еңбек ақы қоры, жергілікті ресурстар және тағы басқалар)», – дейді Нұрлан Жұмағұлов.

CNNC компаниясының Қазақстанда АЭС салатыны туралы ақпарат көзі қытайлық Toutiao сайты болуы мүмкін. Ол Қазақстандағы алғашқы АЭС-ті салу құқығы үшін Бейжің мен Мәскеу арасында «ертегідей бәсекелестік» болғанын, ал бұл жарыста Қытай жеңіске жеткенін жазған.

Алайда Нұрлан Жұмағұлов мұндай ауқымды жобаны бір ғана елдің күшімен жүзеге асыру мүмкін емес екенін еске салады. Президент Тоқаев бұған дейін АЭС құрылысына бірнеше шетелдік компания қатысатынын нақты мәлімдеген. Бұл жерде басты сұрақ – кім бас мердігер болады?

«Қазақстандағы алғашқы АЭС-ті Өзбекстандағы сияқты халықаралық консорциум салады: реакторға бір компания, турбинаға басқа, ал электроникаға батыстық өндіруші жауапты болады. Көпвекторлы тәсіл қолданылады. Болашақта батыс елдерінің бірі шағын модульді реактор салуға қатысуы мүмкін. Ресми нәтижені күтейік. Қазірше нақты шешімге аз уақыт қалды» деп қорытындылады сарапшы.

Айта кетейік, бұған дейін Нұрлан Жұмағұлов Ресейдің «Росатом» мүддесін қолдап, Қазақстанға қысым көрсетуге тырысып жатқанын да атап өткен болатын

Биылғы жылдың басында Қазақстан билігі ел аумағында алғашқы атом электр станциясын салу бойынша Ресеймен «ортақ шешімге келу»мүмкіндігін талқылады.

2024 жылы Қытайдың CNNC корпорациясы Қазақстанға екі энергоблоктан тұратын атом электр станциясын 5,6 миллиард долларға салу туралы сенсациялық ұсыныс жасады.

2023 жылы Қазақстанда атом электр стансасын салу мәселесін референдум арқылы  шешпек болды.

Orda.kz ЖЭО-ның қарызға салынып, тариф арқылы халықтың мойнына ілінетіні нақтылана түскенін,  бұған АЭС-тің қандай қатысы бары туралы зерттеу мақала жариялады.

The post Сарапшы: Қазақстанда АЭС салу екі есе қымбатқа түсуі мүмкін appeared first on QANDASTAR.KZ.

Сарапшы жедел жәрдемді жаңа форматқа ауыстыруды ұсынды, деп жазады qandastar.kz

Елімізде халық саны өсіп, жедел жәрдем қызметінің шығыны арта түсуде. Мәселен, жедел жәрдем бригадасының көлігі 24 сағат үздіксіз жұмыс істейтіндіктен, тез тозып қалады.

atamekenbusiness_qaz хабарлағандай,  саладағы көлік тапшылығы қанша ақша шығындалса да, шешелмей келеді,-дейді Шымкент қаласы мәслихатының депутаты Бақытжан Позилов. Халық қалаулысы мәселені шешу үшін жедел жәрдем бригадасы баратын шақыртулар санын қысқарту қажет, 20-30 пайызына телефон арқылы кеңес берген жеткілікті деп санайды.

The post Сарапшы жедел жәрдемді жаңа форматқа ауыстыруды ұсынды appeared first on QANDASTAR.KZ.

 Ресейге салынған санкциялар Қазақстан үшін жаңа қаржылық тәуекелдер туғызуда, — деп жазады qandastar.kz

«Түскі формат» бағдарламасына қатысқан Қаржы сарапшысы Талант Қалиева осылай деді. Шетелдік қаржы ұйымдары біздің заңдағы осал тұстарды пайдаланып, өз елдерінде заңсыз саналатын әрекеттерін осында іске асыруда. Бұл тек алаяқтықтың көбеюімен шектелмейді. Еліміздің қаржы жүйесі сыртқы күштердің мүддесіне жұмыс істеп кетуі мүмкін. Украина мен Ресей арасындағы жағдай және Ресейге салынған санкциялар бұл процесті одан әрі ушықтыруда. Сарапшы «Бұл мәселеге кешенді көзқарас қажет» — дейді.

The post Сарапшы: Санкция Ресейге емес, Қазақстанға қауіп төндіреді appeared first on QANDASTAR.KZ.

Үкімет басшысы сарапшылардың басын қосып, экономиканы дамыту мәселесін талқылады, деп жазды qandastar.kz

Жиында премьер-министрдің орынбасары – ұлттық экономика министрі Серік Жұманғарин еліміздегі қазіргі экономикалық жағдай туралы баяндап, өнеркәсіпті дамыту, инфрақұрылымды жаңғырту, өңірлерде өсімнің жаңа мүмкіндіктерін іске қосу жөніндегі міндеттерді шешу үшін салық-бюджет реформасын жүргізу тәсілдерін айтты. Кездесуге қатысушылар мемлекеттік қаржыны тұрақтандыру және оларды тиімді пайдалану шаралары бекітілген жаңа Салық және Бюджет кодекстері жобаларын талқылады. Отырыс барысында сарапшылар салық-бюджет саласын реформалау бойынша бірқатар ұсыныс тастады. Үкімет басшысы оны министрлерге пысықтауды тапсырды.

The post Үкімет басшысы сарапшылардың басын қосып, экономиканы дамыту мәселесін талқылады appeared first on QANDASTAR.KZ.