Зеленскийдің айтуынша, әңгіме барысында Украина халқының қауіпсіздігін қамтамасыз ету және бейбітшілікке қол жеткізу бағытындағы ынтымақтастық сөз болған. Сондай-ақ ол АҚШ президентіне Украинаны қолдап келген сенатор Линдси Грэмнің қайтыс болуына байланысты көңіл айтқан.

Кездесуде Patriot әуе қорғаныс жүйесіне арналған тосқауыл қоюшы зымырандарды өндіруге лицензия беру мүмкіндігі және қорғаныс саласындағы өзге де бірлескен жобалар талқыланған.

Бұдан бөлек, екі ел басшылары дипломатиялық үдерісті жандандыру мәселесіне тоқталған. Зеленскийдің сөзінше, алдағы уақытта Украина мен АҚШ командалары ынтымақтастықтың келесі кезеңіне қатысты барлық ұйымдастыру мәселелерін пысықтайды.

Украина президенті АҚШ-қа көрсетіп отырған қолдауы үшін алғыс білдіріп, екіжақты байланысты жалғастырудың маңызын атап өтті.

Айта кетейік, Ақ үйдегі кездесу жабық форматта өтті. Оған бұқаралық ақпарат құралдарының өкілдері қатыстырылмады және келіссөздерден кейін екі ел президенті баспасөзге мәлімдеме жасаған жоқ.

The post Зеленский Трамппен кездесуде көтерілген негізгі мәселелерді атады appeared first on QANDASTAR.KZ.

Украина президенті Владимир Зеленский американдық журналист Лора Лумерге берген сұхбатында Ресей Федерациясымен бейбіт келісімге Ақ үйде немесе Мар-а-Лагода қол қоюға дайын екенін мәлімдеді, деп хабарлайды Qandastar.kz.

Сұхбат журналистің Х (бұрынғы Twitter) әлеуметтік желісіндегі парақшасында жарық көрді. Журналист Украина басшысына Мәскеумен арадағы бейбіт келісімге Ақ үйдің Сопақша кабинетінде қол қою идеясына қалай қарайтынын сұраған.

«Иә, мен мұндай қадамға дайынмын. Президент Дональд Трампқа кез келген уақытта АҚШ-қа, Овал кабинетіне немесе Мар-а-Лаго резиденциясына келуге дайын екенімді үнемі айтып келемін. Мұның бәрі тікелей президент Трамптың шешіміне байланысты», – деп жауап берді Зеленский.

Дегенмен Украина президенті бейбіт келіссөздерге қатысты басты мәселе құжатқа қай жерде қол қойылатынында емес, бұл оқиғаның қашан жүзеге асатынында екенін ерекше атап өтті.

The post Зеленский Ресеймен бейбіт келісімге АҚШ-та қол қоюға дайын екенін айтты appeared first on QANDASTAR.KZ.

Владимир Зеленскийдің Ресей президенті Владимир Путинмен жүзбе-жүз жолығуы БАӘ-дегі үшжақты талқының басты тақырыбы болады деген жорамал бар.

Еске салсақ, Абу-Дабиде өткен екі күндік келіссөздерде Украина жер мәселесінде еш шегінбеген және айтарын ашық жеткізген. Үш тарап та «келіссөздер жақсы әрі мазмұнды өтті» деп есептейді. Зеленский бұған дейін Украина, Ресей және АҚШ делегациялары арасындағы үшжақты келіссөздердің нәтижесіне көңілі толатынын жеткізді.

Негізінен, Украина президенті Путинмен бетпе-бет кездесуге бейілді екенін бірнеше мәрте ашық айтты. Былтыр Түркияға арнайы аялдап, Путинді «жекпе-жекке» шақырғаны да саясат сахнасына жақын жүргендердің есінен шыға қойған жоқ. Өкініштісі сол, ол жерге Путин келмей қойды. Ол бұл шараға өзінің  орнына Мединский деген тарихшыны жіберді.

Путин сенген саясаткер сұм соғысты тоқтату туралы айтудың орнына тарихқа терең бойлап, өткен-кеткенді қозғаған болатын.

The post Зеленский Путинді тағы да «жекпе-жекке» шақырды appeared first on QANDASTAR.KZ.

Владимир Зеленский Ирандағы жағдайға қатысты өз ойын Х әлеуметтік желісіндегі парақшасында жариялады. Ол жазбасын парсы тілінде қалдырған.

«Қазір Иранда болып жатқан жағдай – жаппай наразылықтар, шын мәнінде көтеріліс. Бұл Ресей үшін жағдайдың жақсармайтынының айқын белгісі. Ал бұл планетадағы әрбір адал адам Иран халқы Украинаға және басқа елдерге сонша зұлымдық әкелген қазіргі режимнен ақыры құтылуын шын жүректен қалайды», – деп жазды Зеленский.

Сондай-ақ Украина президенті әлем көшбасшыларын «өзгерістер мүмкін» болып тұрған осы сәтті жіберіп алмауға шақырды.

«Әрбір көшбасшы, әрбір ел, халықаралық ұйымдар дәл қазір іске кірісіп, өкінішке қарай Иранды бүгінгі күйге жеткізген кінәлілерді жоюға халыққа көмектесуі керек. Барлығы басқаша болуы мүмкін», – деп атап өтті Зеленский.

The post Зеленский әлемді Иран халқына билікті құлатуға көмектесуге шақырды appeared first on QANDASTAR.KZ.

Зеленскийдің сөзінше, Еуропадағы серіктестермен, сондай-ақ АҚШ пен «ниет білдіргендер коалициясының» барлық мүшелерімен жүргізіліп жатқан келіссөздер жаңа кезеңге шыққан.

«Біз еуропалық серіктестерімізбен, сондай-ақ, әрине, АҚШ-пен және ниет білдіргендер коалициясының барлық мүшелерімен келіссөздердің жаңа кезеңге жеткенін тіркеп отырмыз. Бұл соғыс сіздердің ЕО Кеңесіндегі алты айлық төрағалық кезеңдеріңізде аяқталуы мүмкін», — деді Зеленский.

Ол бұл жерде Кипрдің Еуропалық одақ кеңесіндегі алты айлық төрағалығын меңзеді.

Президент X әлеуметтік желісіндегі парақшасында да бейбітшілікке жету үшін қысымның маңызын атап өтті.

«Қысым соғыс көзін әлсірететіндей деңгейге жеткен кезде бейбітшілік орнайды. Қазіргі таңда мұндай қысым бар, және оны қолдауда Еуропалық одақ шешуші рөл атқарып отыр», — деп жазды ол.

Зеленскийдің айтуынша, Мәскеуге қарсы санкцияларды сақтап қалу және күшейту соғысты тоқтатуға келісімге келудің негізгі тетігі болып қала береді.

«Ресей жоғалтқан әрбір долларды агрессор ретінде жоғалтып отыр», — деді Украина президенті.

Бұған дейін Парижде өткен саммитте атысты тоқтату жағдайында Украинаға қауіпсіздік кепілдіктерін беру мәселесі талқыланған болатын. Жоспарға сәйкес, Франция, Ұлыбритания және бірқатар басқа мемлекеттер Украинаға өз әскерін жіберуге дайын. Ал Германияны қоса алғанда, кей елдер Украинаны сырттан әскери тұрғыда қолдауға әзір екенін білдірді.

The post Украинадағы соғыс алты ай ішінде аяқталуы мүмкін — Зеленский appeared first on QANDASTAR.KZ.

Шешенстан басшысы өз пікірін Telegram-дағы арнасында жариялап, Украина президентін «скоморох» (сайқымазақ мағынасында) деп атады.

Қадыровтың айтуынша, Владимир Зеленский мұндай қадамға өзі батылы жетіп бармай, «ер адамша тікелей қауіп төндірмей», тек «қорқақтықпен ишара жасап, қауіпсіз қашықтықтан бақылаушы болып қалуды қалаған».

«Ең болмаса, ер адам болуға тырыс. Болмаса да – тырыс. Бет-бейнеңді сақта, өзіңді қорлама. Егер бойыңда еркектік қасиеттен титтей болса да бар болса, сөздерің мен өтініштеріңнің қаншалықты қорлау екенін түсінер едің. Олар сенің бейбіт реттеуді бұзуға тырысып жүргеніңді анық көрсетеді. Еске салайын: жау біздің республикаға кіре алады, бірақ қайта шыға алмайды», – деп жазды Қадыров.

The post Зеленский АҚШ-қа Қадыровты ұрлап әкетуді ұсынды: Шешенстан басшысының жауабы appeared first on QANDASTAR.KZ.

Зеленский журналистерге Трамптың Флоридадағы резиденциясында өтетін кездесуде Донбасс аймағының тағдырын, Запорожье атом электр станциясының болашағын және өзге де бірқатар мәселені талқылауды жоспарлап отырғанын айтты.

– Мәскеу бірнеше рет Украинаның бүкіл Донбасс аумағын, соның ішінде әлі де Киевтің бақылауында тұрған жерлерді беруді талап еткен. Сонымен қатар ресейлік ресми тұлғалар соңғы ұсыныстың өзге де тармақтарына қарсылық білдіріп отыр. Сондықтан жексенбі күні өтетін келіссөз нәтижелерін Ресей президенті Владимир Путин мақұлдай ма, жоқ па, – әзірше белгісіз, – деп жазады Reuters.

Axios мәліметінше, АҚШ шенеуніктері Зеленскийдің референдум өткізуге дайын екенін айтарлықтай алға жылжу және аумақтық ымыраларға ашықтығының белгісі деп есептейді. Алайда Зеленскийдің айтуынша, мұндай дауыс беруді дайындап, өткізу үшін Ресей 60 күндік атысты тоқтатуға келісуге тиіс. Кейінгі сауалнамалар украиналық сайлаушылардың бұл жоспарды да қабылдамауы мүмкін екенін көрсетіп отыр.

Еске салайық, бұған дейін Зеленский соғысты аяқтауға бағытталған бейбіт жоспардың шамамен 90%-ы дайын екенін хабарлаған еді. Құжат 20 тармақтан тұрады және қазір оны соңғы нұсқасын жасау үшін пысықтау жұмыстары жүргізіліп жатыр.

The post Зеленский Трамппен бейбіт келісім мәселесін қарамақ appeared first on QANDASTAR.KZ.

Бұл ақпаратты Ирландия БАҚ-тары жариялаған еді, ал оны 5 желтоқсан, жұма күні Украина президентінің коммуникациялар жөніндегі кеңесшісі Дмитрий Литвин растады.

«Қонақ қабылдаушы тарап қауіпсіздікке жауап береді. Олардың деректері бойынша, мұндай дрондар шын мәнінде болған, бірақ бұл сапарға әсер еткен жоқ және оларды сапар барысында қандай да бір өзгеріс енгізуге мәжбүрлемеді», – деді Литвин.

Ирландиялық The Journal басылымы 1 желтоқсанда Зеленскийдің ұшағы Дублинге қонар алдында оған төрт белгісіз дрон жақындағанын жазды. Дереккөздердің айтуынша, дрондар Ирландия астанасының солтүстік-шығысынан көтеріліп, президенттік борттың қасынан ұшып өткен, кейін біраз уақыт құпия жағдайда алдын ала теңізге шығарылған Ирландия Әскери-теңіз күштерінің кемесінің үстінде қалықтап тұрған. Билік әуе қорғаныс құралдарын қолданбаған, ал кеменің қаруы оларды ұстап алуға жеткіліксіз болған. Патрульдік жойғыштар да араласпаған.

The Irish Times газеті де Зеленскийдің сапары барысында байқалған белгісіз дрондар туралы хабарлады. Басылым деректері бойынша, Ирландия ӘТК кемесі Украина президентінің ұшағының бағыты маңында ұшқан бес дронды анықтаған. The Irish Times мәліметінше, дрондар Дублиннің Хоут маңайында Зеленскийдің ұшағы сол жерден өтуі тиіс болған уақытта пайда болған.

«Алайда оның ұшағы сәл ертерек келген. Дереккөздер оған ешқандай қауіп төнбегенін айтты», – делінген материалда.

The post Зеленскийдің Ирландияға сапары кезінде оның ұшағын белгісіз дрондар аңдыған appeared first on QANDASTAR.KZ.

Ермактың айтуынша, территориядан бас тарту туралы кез келген келісім Украина Конституциясына және халықтың еркіне қарсы келеді.

«Зеленский президент болып тұрғанда, ешкім Украина жерінен бас тартамыз деп ойламауы керек. Ол территориядан бас тартуды көздейтін құжатқа қол қоймайды. Конституция оған тыйым салады», — деді Ермак.

Президент кеңсесінің басшысы қазіргі жағдайда ешбір «ақыл-есі түзу адам» мұндай құжатқа келіспейтінін атап өтті.

Сондай-ақ Ермак алдағы бейбіт келіссөз кезеңінде Украина ең даулы мәселе — Ресей тарапынан қойылған талаптар мен украин жерінің мәртебесі бойынша өз «қызыл сызығын» айқындайтынын айтты.

«Жер мәселесіне қатысты Украина тек қақтығысушы тараптар бақылау жасап отырған аумақтарды қандай сызықпен ажырату керегі жөнінде ғана әңгіме жүргізе алады. Қазір шынайы талқылай алатынымыз — тек шептің қай жерде өтетіні», — деп түйіндеді Ермак.

The post Зеленский Украина жерінен бас тартатын құжатқа қол қоймайтын болды appeared first on QANDASTAR.KZ.

Бұл туралы ол Ақ үйдегі журналистермен әңгіме барысында айтты. Трансляция Ақ үйдің-арнасында жүргізілді.

«Бізде бейбітшілікке қол жеткізудің жолы бар деп ойлаймыз. Оны (жоспарды) ол мақұлдауы керек», – деді Трамп.

Трамп АҚШ тарапы «көптеген өмірді сақтап қалуға» тырысып жатыр деп бөлісті.

«Зеленский бұл жоспарды қолдауы тиіс, ал егер ұнатпаса, соғысты жалғастыра береді деп ойлаймын», – деді Трамп.

Журналистердің «егер Украина АҚШ жоспарын қабылдамаса, Вашингтон Киевке қолдауды тоқтата ма?» деген сұрағына Трамп «ерте ме, кеш пе» Зеленскийдің «бір шешім қабылдауға мәжбүр болатынын» айтты.

Сонымен қатар, ол Украинаға тезірек шешім қабылдау қажет екенін, өйткені «қыстың суық болатынын» ескертті. Трамптың айтуынша, бейбіт жоспарды қабылдауға берілген дедлайн – 27 қараша.

Еске сала кетейік, таяуда украиналық депутат Алексей Гончаренко Трамптың Украина жөніндегі 28 тармақтан тұратын бейбіт жоспарын жариялаған болатын.

 Владимир Зеленский халыққа 10 минуттық үндеу жасап, АҚШ-тың ұсынылған бейбіт жоспарына қатысты пікір білдірді. Ол елдің ауыр кезеңнен өтіп жатқанын атап өтті.

The post Вашингтон Киевті қолдауды тоқтата ма? appeared first on QANDASTAR.KZ.