Бүгін, 7 тамызда Таиландтың Нонтхабури провинциясындағы мектептердің бірінде атыс болып, салдарынан екі адам қаза тауып, кемінде 20 адам жарақат алды. Бұл туралы Qandastar.kz сайты хабарлады.
Жергілікті Khaosod басылымының мәліметінше, оқиға Үлкен Бангкок агломерациясының құрамына кіретін Нонтхабури провинциясында орналасқан Тхепсирин орта мектебінде болған.
Thai PBS телеарнасының хабарлауынша, қаза тапқандар – екі мұғалім. Сонымен қатар зардап шеккендердің арасында ауыр жағдайда жатқан адам бар.
Алдын ала мәліметтерге сәйкес, атысты мектеп оқушысы ұйымдастырған болуы мүмкін. Күдікті ретінде ұсталған оқушы кейін көз жұмғаны хабарланды.
Қазіргі уақытта құқық қорғау органдары оқиғаның мән-жайын анықтап, тергеу жұмыстарын жүргізіп жатыр.
