Taılandtan sálemdeme alǵan stýdent segiz jylǵa sottaldy

Foto: ashyq derekkóz

Astananyń qylmystyq ister jónindegi mamandandyrylǵan aýdanaralyq soty kámeletke tolmaǵan kolledj stýdentin 8 jylǵa bas bostandyǵynan aıyrdy. Qylmystyq is pen úkimniń mán-jaıy elordalyq sottyń baspasóz qyzmetinen belgili boldy, dep habarlaıdy qandastar.kz

Stýdent Telegram áleýmettik jelisi arqyly tyıym salynǵan zattar qoımasyna jumysqa ornalasady. Osydan keıin onyń atyna Taılandtan poshta arqyly 998 gramm keptirilgen marıhýana jiberilgen.

О́tken jyldyń 6 tamyzynda «Qazposhta» bólimshesinen osy sálemdemeni alǵan soń ol esirtkini dozaǵa salyp, keıin satý maqsatynda zańsyz saqtaý úshin páter jaldaǵan. Alaıda onyń bul josparyn tártip saqshylary buzady.

Sotta jas jigit óz kinásin tolyq moıyndap, shyn júrekten ókinetinin aıtty. Sot onyń kámeletke tolmaǵanyn jáne kinásin moıyndaǵanyn jaýapkershiligi men jazasyn jeńildetetin mán-jaı dep tanydy.

Nátıjesinde sot stýdentti Qylmystyq kodekstiń eki baby boıynsha kináli dep tanydy: elektrondy aqparattyq resýrsty paıdalana otyryp, aldyn ala sóz baılasý arqyly asa iri mólsherde esirtki zatyn zańsyz alý, ótkizý maqsatynda saqtaý, sondaı-aq zańsyz áreketke kómektesý. Aldyn ala kelisim boıynsha Qazaqstan Respýblıkasynyń memlekettik shekarasy arqyly esirtki zatyn iri kólemde ótkizý.

egemen.kz jazǵandaı, ol 8 jylǵa bas bostandyǵynan aıyryldy. Úkim zańdy kúshine engen joq.