Talǵar ákim saılaýy ótip jatyr

Foto: ashyq derekkóz

Búgin Talǵarda qalanyń jańa ákimin saılaý júrip jatyr, dep jazdy qandastar.kz

Aýmaqtyq saılaý komıssııasynyń málimetinshe, saılaý 26 saılaý ýchaskesinde saǵat 7.00-den 20.00-ge deıin ótedi. Talǵarda barlyǵy 42 myń 774 saılaýshy tirkelgen.

Talǵar qalasynyń ákimi laýazymyna úsh úmitker talasyp jatyr:

Arystanbek Ábilqaıyruly, 41 jasta, «Amanat» partııasynyń kandıdaty. Talǵar qalasy, «Talǵar Turǵyn úı» JShS basshysy;

Kádenov Jánibek Janbolatuly, 33 jasta, Halyq partııasynyń kandıdaty. «Talǵar aýdany ákiminiń apparaty» MM qarjy-sharýashylyq bóliminiń bas mamany, Talǵar qalasy.

Ramazanov Álibek Ǵaısauly, 42 jasta, ózin-ózi usynǵan kandıdat. «Besaǵash aýyldyq okrýgi ákiminiń apparaty» MM, Talǵar aýdany ákiminiń orynbasary.

Talǵardyń burynǵy ákimi Baqyt Kúrishbekov 15 qazanda kámeletke tolmaǵan Sherzat Polattyń ólimine qatysty qyzmetinen bosatylǵan edi.