Талғардағы қайғылы оқиға: бейнебақылау камераларының жазбалары өшірілгені рас па?

Фото: ашық дереккөз

Әлеуметтік желілер мен бұқаралық ақпарат құралдарында Талғар ауданындағы қайғылы оқиға болған жерден бейнебақылау камераларының жазбалары өшірілді деген хабар тарады, – деп хабарлайды Massaget.kz тілшісі.

Алайда Алматы облысы полиция департаменті мұны жоққа шығарды.

Ведомство сотқа дейінгі тергеп-тексеру шеңберінде барлық қолда бар бейнежазбалар полиция тарапынан тәркіленіп, қылмыстық іс материалдарына заттай дәлел ретінде тіркелгенін хабарлады.

«Қазіргі уақытта тергеу барысында барлық бейнежазбалар зерттеліп, оқиғаға қатысушылардың әрекеттеріне құқықтық баға берілетін болады. Тек ресми ақпаратқа сенуге шақырамыз және жалған ақпаратты тарату қылмыстық жауапкершілікке дейін әкелуі мүмкін екенін еске саламыз», – делінген хабарламада.