Фото: Әлеуметтік желі
Продюсер Жан Мұқанов әнші Тамара Асардың жолдасы Бекмырза Жұмаштың ұлы Әлішердің қазасына байланысты жаңа мәлімет берді. Бұл туралы ол әлеуметтік желідегі жазбасында хабарлады, деп жазады qandastar.kz
Оның айтуынша, 8 қараша күні Қостанай қаласында Әлішердің қырық күндік асы өтеді.
«Бәрі білсін — қаны бір болуы шарт емес, жүрек байланысы маңызды. Әлішер Тамараның туған баласы болмаса да, ол оны өз ұлындай көрді. Ол – Жұмаштың және олардың қызы Ажардың ағасы, отбасының толық мүшесі еді», – деп жазды продюсер.
Жан Мұқанов жас жігіттің өліміне көлік апаты себеп болғанын да растады.
«Әлішер Ақтөбеге досының үйлену тойына барғанда жол апатына ұшырап, көлік қағып кеткен», – деді ол.
Еске салайық, бұған дейін Қостанай облысының Наурызым ауданының әкімі Мәди Өмірзақұлы Ихтиляпов Әлішердің мезгілсіз қазасына байланысты көңіл айтып, отбасының қайғысына ортақтасқан болатын.