Tanymal aktrısa «Tamashadan» qalaı ketkenin jaıyp saldy

Foto: vıdeo skrın

Tamasha» oıyn-saýyq otaýynyń ártisi Gúljan Qalybaeva ózine bastyǵynyń soraqy usynysyn jaıyp saldy. Kópshilikke «kókkóz» degen atpen tanymal ártiske kóńildes bolý jaıly talap qoılyǵan, dep habarlaıdy qandastar.kz

Ol basynan ótken aýyr jaǵdaıdy jýrnalıst Aman Tasyǵanǵa aıtyp berdi. Tipten kóńildes bolýǵa kónbegen soń ózin ıen dalaǵa Tamashanyń bastyǵy tastap ta ketken.

«Maǵan «Tamashanyń» bastyǵy birtúrli usynys jasady. «Búkil basty rólder seniki bolady, «Tamashanyń» basty keıipkeri bolasyń, eger…» dep kóńildesi bolýǵa usynys jasady», — deıdi Qalybaeva.

Bul usynys oǵan gastroldik saparda júrgende jasalǵan. Bastyqtyń aıtqanyna kónbegeni úshin jazalanǵan.

«Men «ákemnen jasyńyz úlken adamsyz, bolmaıdy» keshirińiz» dedim, ol olaı bolsa «kózińdi qurt» dedi. Qaı jer ekeni esimde joq, gastroldik saparda baryp turyp, meni alyp tastady da, aıdalada kólikten túsirip, «poshla von» dep tastap ketti. Tanymaıtyn kisiden qaryz alyp, taksımen Almatyǵa áreń jettim. Mine, sodan keıin «Tamashadan» kettim»,- dedi aktrısa Gúljan Qalybaeva.

Sondaı-aq, ol ózin kúıeýiniń únemi qol jumsap, urǵanyn, qoryqqanynan araq ishkenin de ashyq aıtty.

«Kúıeýim óte qatal adam boldy, marqum. Ol maǵan bir jerde  mınýt qalýǵa ruqsat bermeıtin. Men oǵan eki mınýt saıyn zvandap turatynmyn. Sózdiń shyny kerek, men sol Tólegennen qoryqqannan spırtnoı ishtim, sonda ol maǵan qaraıtyn da, qyzyq kóretin de maǵan qol tıgizbeıtin», -dedi Qalybaeva.