Tanymal parasportshy Sevda Álıeva turmysqa shyqty

32 jastaǵy sport sheberi, oq atýdan sport sheberi jáne parabıden álem chempıony Sevda Álıeva ómirindegi mańyzdy qadam jasady. Ol Instagram paraqshasynda súıiktisi, amerıkalyq Isaak Saıedtiń (Isaac Syed) usynysyn qabyl alǵanyn jarııalady, dep habarlaıdy Qandastar.kz

Jeli jazbalaryna qaraǵanda, jas jup shamamen bir jyldan beri birge. 26 tamyzda sportshynyń uzatý toıynan túsirilgen sýretter storısterde tarady. Saltanatty shara meıramhanada týystary men jaqyndarynyń ortasynda ótti. Jas jubaılar án shyrqap, bı bılep, ystyq yqylasqa bólendi. Kesh qonaqtarynyń arasynda ánshiler Amre men Qazybek Quraıysh ta bolyp, tanymal ánderin oryndady.

Sevda Álıeva tek sporttaǵy jetistikterimen ǵana emes, sahnadaǵy talantymen de tanymal. Ol «Qazaqstan» telearnasyndaǵy «Eki juldyz» jobasyna qatysyp, kórermen yqylasyna bólengen edi.

Aıta keteıik, Álıeva 2023 jyly Italııada ótken parabıden álem chempıony atandy. 2024 jyly oq atýdan Qazaqstan chempıony boldy. Sondaı-aq, Parıjdegi Paralımpıada oıyndarynda Qazaqstan týyn kóterip shyqqan edi. Qazir ol P2 sanatynda – 10 metr qashyqtyqtaǵy pnevmatıkalyq tapanshadan jarysqa qatysady.