Шымкент әкімі Ғабит Сыздықбеков Үкіметтегі кадрлық өзгерістерге байланысты өз есімі премьер-министр лауазымына кандидат ретінде аталған талқылауларды орынсыз деп атады. Бұл туралы Qandastar.kz ақпарат порталы Ulysmedia.kz-ке сілтеме жасап хабарлайды.
ОКҚ брифингінде модератор Маржан Бақтиярқызы редакция қойған сұрақты бөліп тастады.
— Әріптес, бұл Шымкент қаласының әлеуметтік-экономикалық дамуына қатысы жоқ, — деді ол.
Одан кейін Ғабит Сыздықбеков сұраққа қысқаша жауап берді.
— Мен жай ғана өз жұмысымды істеп жүрмін. Ештеңе ойламаймын. Тек Шымкент пен ел туралы ойлаймын, — деді ол.
