«Теңізшевройл» компаниясына ауаны ластағаны үшін 640 млн теңге айыппұл салынды

«Теңізшевройл» ЖШС 2023 жылдың 3 және 4 тоқсанында, сондай-ақ 2024 жылдың 1 және 2 тоқсанында атмосфераға экологиялық рұқсат етілген нормалардан тыс 49,3 тонна ластаушы заттарды шығарған, деп жазды Qandastar.kz сайты turkystan.kz-ке сілтеме жасап.

Оның ішінде 4,9 тонна ластаушы зат қоршаған ортаға арнайы рұқсатсыз тасталғаны анықталды.

Осыған байланысты, «Теңізшевройл» ЖШС-не қатысты прокурордың қаулысымен әкімшілік іс қозғалып, сотпен 639,6 млн теңге көлемінде айыппұл салынды. Бұл шешім заңды күшіне енді.

Аймақта атмосфералық ауаның ластануы – өзекті мәселелердің бірі болып табылады және бұл бағыттағы қадағалау жұмыстарын прокуратура тұрақты түрде жүзеге асырып келеді.