18-19 ақпан күндері Мемлекет басшысы Қасым-Жомарт Тоқаев Бейбітшілік кеңесінің алғашқы отырысына қатысу үшін Вашингтонға жұмыс сапарымен барады, деп хабарлайды qandastar.kz порталы.
Бұл сапар АҚШ президенті Трамптың шақыруымен жүзеге аспақ.
Саммит барысында Газа секторындағы ахуалды тұрақтандыру мәселесіне баса мән беріледі.
Атап айтқанда, бейбітшілік орнату, қауіпсіздікті қамтамасыз ету және гуманитарлық көмек жеткізу бойынша нақты шаралар әзірлеуге ден қойылады.
Сонымен қатар сапар аясында Қасым-Жомарт Тоқаев америкалық ірі компаниялардың жетекшілерімен бірқатар кездесу өткізеді.
