Toqaev bir rettik jeti jyldyq prezıdenttik merzim týraly aıtty

Foto: halyq-uni.kz

BAQ qyzmetkerlerin marapattaý rásiminde sóz sóılegen Prezıdent Qasym-Jomart Toqaev bir rettik jeti jyldyq prezıdenttik merzim týraly aıtty, — dep habarlaıdy Tengrinews.kz tilshisi Aqordaǵa silteme jasap.

«О́zderińizge málim, qazir elimiz damýdyń jańa satysyna qadam basty. Biz sońǵy 5 jyldyń ishinde aýqymdy saıası reformalardy júzege asyrdyq. Qazaqstannyń saıası júıesi túbegeıli ózgerdi. Parlamenttiń yqpaly, Úkimettiń jaýapkershiligi aıtarlyqtaı artty. Bılik tarmaqtary arasyndaǵy tepe-teńdik ornyǵa tústi. Saıası partııalardyń qoǵamdyq róli kúsheıdi. Azamattarymyz óz oı-pikirlerin ashyq aıtyp, qoǵamda belsendi bolýyna múmkindik beretin naqty tetikter paıda boldy. Saılaý júıesin jetildirdik. Aýyl, aýdan ákimderi tikeleı saılana bastady. Bir sózben, saıası jáne qoǵamdyq mádenıet úlken ózgeriske ushyrady.

Eń mańyzdy bastamanyń biri – Prezıdent jeti jyldyq merzimge bir ret qana saılanatyn boldy. Osy sheshimniń saıası mán-maǵynasy erekshe, bul – memleket basqarý isinde jańa standart qalyptastyratyn mańyzdy qadam. Reformalar, ózgerister áli de jalǵasa beredi. Eń bastysy, bul ózgerister – halyqtyń tańdaýy.

Sondyqtan biz eshqashan keri qaıtpaımyz, tek alǵa qaraı júremiz. Biz ekonomıkalyq damýdyń naqty baǵytyn aıqyndadyq. Bir sózben, ozyq el bolý úshin aýqymdy jumysty qolǵa aldyq», — dedi Memleket basshysy.