Жаңалықтар
Тоқаев Президент әкімшілігінде ауыс-түйіс жүргізді
Фото:Dalanews.kz
Президент әкімшілігінде ауыс-түйіс жүрді, бөлім меңгерушілерінің бірі ауысты, – деп хабарлайды qandastar.kz Dalanews.kz-ке сілтеме жасап.
Айдын Құлсейітов Қазақстан Республикасы Президенті Әкімшілігінің Әлеуметтік-экономикалық саясат бөлімінің меңгерушісі лауазымынан босатылды.
Оның орнына Рақымжан Ерназар Қазақстан Республикасы Президенті Әкімшілігінің Әлеуметтік-экономикалық саясат бөлімінің меңгерушісі лауазымына тағайындалды.
Айдын Құлсейітов пен Рақымжан Ерназар туралы не белгілі?
Айдын Құлсейітов 1976 жылы Өскемен қаласында туған. 1997 жылы Батыс-Қазақстан мемлекеттік техникалық университетін; 2004 жылы Қазақтан Республикасы Президентінің жанындағы Мемлекеттік қызмет академиясын аяқтаған. Техника ғылымдарының кандидаты.
- 1996-2000 жылдары коммерциялық құрылымдарда жұмыс істеген.
- 2000-2003 жылдары Өскемен қаласының Индустрия, сауда және шағын бизнес басқармасының Индустрия және экология бөлімінің бас маманы, бастығы болды.
- 2003-2004 жылдары – Қазақстан Республикасы Президентінің жанындағы Мемлекеттік қызмет академиясының тыңдаушысы.
- 2004-2008 жылдары – Қазақстан Республикасы Индустрия және сауда министрлігінің Тұтыну тауарлар бөлімінің бастығы, Өнеркәсіптің тау-кен және өңдеу салалары басқармасының, Индустриалдық саясат департаментінің директоры, Хатшылық – Стратегиялық жоспарлау және жинақы талдау департаментінің директоры, Қазақстан Республикасы Энергетика және минералдық ресурстар министрлігінің Стратегиялық жоспарлау және салааралық үйлестіру департаментінің директоры.
- 2008-2009 жылдары – Қазақстан Республикасы Президенті Әкімшілігінің Әлеуметтік-экономикалық мониторинг бөлімі меңгерушісінің орынбасары.
- 2009-2014 жылдары – «Ұлттық инновациялық қор» АҚ басқарма төрағасы (қайта ұйымдастырудан кейін «Технологиялық даму жөніндегі ұлттық агенттік»).
- 2014-2017 жылдары – «Қазақстандық индустрия дамыту институты» АҚ-ның басқарма төрағасы.
- 2017-2019 жылдары — Қазақстан Республикасы Президенті Әкімшілігінің Стратегиялық әзірлемелер және талдау орталығының меңгерушісі.
- 2019 жылғы 22 шілдеде Стратегиялық жоспарлау бөлімінің меңгерушісі болып тағайындалды.
Рақымжан Ерназар туралы ашық дереккөздерде көп мәлімет жоқ. Бұған дейін ол ҚР Президенті әкімшілігі Стратегиялық жоспарлау бөлімінің меңгерушісі қызметін атқарған.
