Жаңалықтар
Тоқаев Спорт және туризм министрі Ермек Маржықпаевты қызметінен босатты
Фото: Үкімет
Бұл туралы Ақорданың баспасөз қызметі мәлім етті.
Мемлекет басшысының Жарлығымен Ермек Боранбайұлы Маржықпаев Қазақстан Республикасының Туризм және спорт министрі лауазымынан босатылды, деп хабарлайды Skifnews.kz ақпарат порталы.
Ермек Маржықпаев бұл қызметке 2023 жылдың 2 қыркүйегінде тағайындалды.
Жалпы ақпарат
Ермек Боранбайұлы Маржықпаев 1969 жылы туған, Целиноград қаласының тумасы. С.Сейфуллин атындағы Ақмола мемлекеттiк педагогикалық институтын (тарих пәнінің мұғалiмi), «Тұран» университетiн (заңгер), Көкшетау университетiн (қаржы бакалавры) бiтiрген.
Мансап жолы
Еңбек жолын 1991 жылы Астана қ. № 29 ОМ дене шынықтыру мұғалiмi, бокстан жаттықтырушы болып бастады;
1992-1993 жылдары — Ақмола облысы, Щучинск ауданы, Бурабай кентi, № 7 ОМ тарих мұғалiмi; 1993-1994 жылдары — «Шонай» ШЖК директоры; 1994-2008 жылдары — «Береке-Бурабай» ЖШС директоры; 2008-2012 жылдары — Ақмола облысы Аршалы ауданының әкiмi; 2012-2013 жылдары — Ақмола облысы Зерендi ауданының әкiмi; 2013-2014 жылдары — Ақмола облысы әкiмiнiң орынбасары; 2014-2015 жылдары — Қазақстан Республикасы Президентi Әкiмшiлiгi Мемлекеттiк бақылау және аумақтық-ұйымдастыру жұмысы бөлiмiнiң Мемлекеттiк инспекторы; 2015-2019 жылдары — Ақмола облысы Көкшетау қаласының әкiмi; 2019-2023 жылдары — Ақмола облысының әкiмi.
