22 қаңтар күні Қазақстан президенті Қасым-Жомарт Тоқаев АҚШ басшысы Дональд Трамптың шақыруымен Давос қаласына барады, деп хабарлайды qandastar.kz порталы.
Бұл туралы Ақорда мәлімдеді.
Швейцарияның Давос қаласында Газа бойынша Бейбітшілік кеңесінің Жарғысына қол қою рәсімі жоспарланған.
«Мемлекет басшысы Қасым-Жомарт Тоқаев АҚШ Президенті Дональд Трамптың шақыруымен Бейбітшілік кеңесінің Жарғысына қол қою рәсіміне қатысу үшін Давос қаласына жұмыс сапарымен барады», — делінген мәлімдемеде.
