Жаңалықтар
Топырақтың құнарлы қабатын алып тастаған кәсіпорын 22 миллион төледі
https://qandastar.kz/topyraktyn-kunarly-kabatyn-alyp-tastagan-kasiporyn-22-million-toledi/
Фото: KAZINFORM
KAZINFORM Жоспардан тыс тексеру барысында ҚР АШМ Жер ресурстарын басқару комитетінің Батыс Қазақстан облысының аумақтық бөлімшесі Теректі және Ақсуат ауылдық округтерінде топырақтың құнарлы қабатын заңсыз алу түріндегі бұзушылықты анықтады.
Ауыл шаруашылығы министрлігі баспасөз қызметінің мәліметінше, кәсіпорынға 22 млн теңге көлемінде әкімшілік айыппұл салынып, мемлекет кірісіне өндірілді.
ҚР Жер кодексінің 140-бабына сәйкес жер учаскелерінің меншік иелері мен жер пайдаланушылар бүлінген жерлерді қалпына келтіруге, олардың құнарлылығын және жердің басқа да пайдалы қасиеттерін қалпына келтіруге және оны шаруашылық айналымға уақытылы тартуға бағытталған іс-шараларды жүргізуге міндетті.
Аумақтық бөлімше «Подстепное – Федоровка – РФ шекарасы» автомобиль жолын қайта жаңғырту жобасы аяқталғаннан кейін 3 ай ішінде бұзылған жерлер мен оның құнарлылығын қалпына келтіру жолымен анықталған бұзушылықтарды жою бойынша кешенді іс-шараларды қабылдау туралы ұйғарым жазып, ұсынымдар енгізді.
