Төреғалидің бұрынғы продюсері ренішін айтты

Фото: ашық дереккөз

Танымал әнші Төреғали Төреәлі мен оның бұрынғы продюсері Жан Мұқанов не үшін сөзге келіп қалғаны айтылды, деп хабарлайды qandastar.kz Azattyq Ruhy сайтына сілтеме жасап. 

Төреғали Төреәлі мен Жан Мұқановтың бірге жұмыс істеуі продюсер үшін қаржылық шығынмен аяқталды. Мұқановтың айтуынша, концерттер ұйымдастыру кезінде 46 миллион теңгеге жуық қаражат жұмсалған.

Продюсер жетпеген қаржыны өз қалтасынан шығаруға мәжбүр болған екен.

«Төреғалиға жағдайды түсіндіріп, шамамен 10-12 концерт өткізу қажет екенін айттым. Бірақ ол маған: «Жан, бұл сенің проблемаң» деп жауап берді. Ол кезде әнші шаршаған немесе бір нәрсе тұтынғандай болып көрінді. Маған бұл жағдай ауыр тиді, себебі ол мені бұрын әрдайым «Жан аға» деп атайтын, ал бұл жолы тек «Жан» деп, яғни «сен» деп сөйледі», – деді продюсер.