Tramp: Ýkraına boıynsha sheshim Pýtınniń áreketine baılanysty

AQSh prezıdenti Donald Tramp Ýkraınadaǵy qaqtyǵysty retteý merzimi Reseı prezıdenti Vladımır Pýtınniń ustanymyna baılanysty bolatynyn málimdedi, dep habarlaıdy Qandastar.kz Interfaks agenttigine silteme jasap.

Baspasóz brıfınginde sóılegen Tramp Ýkraınadaǵy jaǵdaıdy beıbit jolmen sheshý jónindegi kelissózderdiń naqty merzimi týraly suraqqa tikeleı jaýap berýden bas tartty.

Bul oǵan (Pýtınge – red.) baılanysty. Biz onyń ne aıtatynyn kóremiz, — dedi AQSh prezıdenti.

Sonymen qatar, Tramp AQSh-tyń Reseımen jumys isteıtin elder men kompanııalarǵa qaıtalama sankııalar engizý múmkindigin qarastyryp jatqanyn aıtty.

Odan bólek, ol Reseı prezıdenti Vladımır Pýtınmen kezdesý úshin Ýkraına prezıdenti Vladımır Zelenskıımen kezdesýdiń qajeti joq ekenin málimdedi.

Buǵan deıin Donald Tramp pen Vladımır Pýtınnińaldaǵy aptada kezdesýi múmkin ekenin hpbarlaǵan.