«Trend qýyp, TikTok túsirse bilimdi kim beredi»: Jeli qoldanýshysy «hıt» dırektordy synady

Áleýmettik jelide Shynar Qurmanǵalı esimdi jeli qoldanýshysy sońǵy kezde el aýzynda júrgen mektep dırektory Aqmonshaq Nurtaza jaıly óz oıyn bildirip, pikir qaldyrdy, dep habarlaıdy Qandastar.kz saıty Skifnews.kz aqparat portalyna silteme jasap.

«Bizdiń qoǵamda bireý tanymal  bolsa, shekten tys “basymyzǵa kóterip jiberetin” ádet bar. Sońǵy kezde TikTok-ta tanylǵan keıbir mektep dırektorlary men din qyzmetkerleri qoǵamnyń erekshe nazarynda júr. Bireýi án aıtyp, bireýi shoýǵa shyǵyp, biri tipti el aralap qonaqtan-qonaqqa baryp júr. Al jelidegi jurt máz: “qandaı kreatıv dırektor, qandaı zamanaýı ımam!” — dep.

Alaıda máseleniń ekinshi jaǵyna da qarap kóreıikshi.

Mysaly, Aqmonshaq Nurtaza esimdi mektep dırektory Instagramda eki aıda 200 myńǵa jýyq jazylýshy jınap, qazir is-sharadan is-sharaǵa baryp júr. Taǵy bir astanalyq dırektor ınstagramǵa ázil vıdeolar sala bastaǵan. Kóp uzamaı bul trendke ózge de mektep basshylary ilesip ketýi múmkin. Endi oılaısyń: erteń barlyq dırektorlar TikTok túsirýmen, trend qýý, qaralym jınaýmen áýre bolsa mektepti kim basqarady?», — dedi ol.

Bilim berý júıesinde dál qazir basty másele – sapa men kadr. “Jaıly mektepter” salynýda, biraq olarda jumys isteıtin bilikti muǵalimder jetispeıdi. Ýnıversıtetter pedagogtardy jetkilikti mólsherde daıyndap úlgermeı jatyr. Al mektepter bos oryndardy toltyrý úshin kez kelgen “pedagog dıplomy bar” adamdy jumysqa ala salady. Bul sapaǵa tikeleı áser etedi.

«Osyndaı kezde mektep dırektory – eń aldymen basqarýshy, jaýapty tulǵa bolýy tıis. Onyń ýaqyty, nazary, motıvaııasy kontentke emes, oqý sapasy men tárbıe jumysyna baǵyttalýy qajet. TikTok arqyly mektep abyroıyn kóteremiz desek, ol uzaqmerzimdi nátıje bermeıdi.

Aıtqym kelgeni:

Kreatıv kerek, zamanaýı bolý kerek. Biraq bilim berý salasyndaǵy jaýapty tulǵalar – TikTok juldyzy emes, sapaly bilim men tárbıeniń kóshbasshysy bolýy tıis.

Keleshek TikTok-ta emes, mekteptiń ishinde qalyptasady», — dep qorytyndylady ol.