Түркістан облысында инфекциялық ауру таралып жатыр

Фото: Orda.kz

үркістан облысының Көксарай ауылында лейшманиоз деп аталатын жұқпалы ауру таралуда, деп хабарлайды qandastar.kz Orda.kz-ке сілтеме жасап.

Көксарай ауылының тұрғындары жұқпалы аурудың өршуіне қатысты дабыл қағуда, олар таралуды ауыл маңында орналасқан уран өндіретін кәсіпорынмен байланыстырады.

Экологтар 600 шаршы метр аумаққа күкірт қышқылының төгілу фактісін растады. Мамандар мұны экологиялық заңнаманы өрескел бұзу деп санайды.

«Департамент экологиялық зиянды жою бағдарламасын әзірлеуде. Сондай-ақ, барлық жерлерді толығымен тазалап, қалпына келтіруді талап етті», — деді Түркістан облысы бойынша бас экологиялық инспектор Нұржан Нұрболатұлы.

Ауру маса шағуына ұқсайтын, кішкентай және қызыл жарадан басталады. Кейіннен ірің пайда болып, ауырады.

Лейшманиоз қауіпті ауру болып саналады. Бұл лейшмания тектес паразиттерден туындайтын инфекциялық ауру, ол осы инфекцияны жұқтырған масаның шағуы арқылы беріледі. Лейшманиоз теріні, шырышты қабықтарды немесе ішкі ағзаларды зақымдауы мүмкін (висцералды лейшманиоз). Соңғы түрі аса қауіпті және дер кезінде емделмесе, өлімге әкелуі мүмкін.