Түрмеден шыққан блогер бір күнде миллионер болды

Коллаж: Dalanews.kz.

Түрмеден шыққан TikTok-блогер Мұрат Әбділдә бір күнде миллионер болды, – деп хабарлайды qandastar.kz  Dalanews.kz-ке сілтеме жасап.

18 қыркүйекте блогер TikTok-та өзге блогермен батлға шығып, үш рекорд орнатқан.

Әбділдә, біріншіден, TikTok-тағы лайк саны бойынша рекорд орнатқан. Блогер жарты сағаттың өзінде 151,5 миллион лайк жинаған.

Екіншіден, блогердің тікелей эфирін бір сәтте 170 мың адам көрген. Бұл да TikTok-та тіркелген жаңа рекорд.

Үшінші рекорд – Мұрат Әбділдә отырған тікелей эфирдің сілтемесін тарату бойынша жасалған. Тікелей эфирді 196,9 адам бөліскен.

Сонымен қатар, тікелей эфирді көріп отырған адамдар блогерге 30 минуттың ішінде 6 024 549 алмас жіберген. Бұл TikTok есептері бойынша, 30 122 доллар немесе 14 432 528 теңге.

Мұрат Әбділда 2022 жылы әлеуметтік, ұлттық, нәсілдік, таптық араздықты қоздырды деп 4 жылға бас бостандығынан айырылған болатын. Ол көпшілікке әндерінен бөлек, желідегі эфирде былапыт сөздерімен танымал болған.

Биыл 9 қыркүйекте блогер мерзімінен бұрын бостандыққа шықты.