Жаңалықтар
ҰҚК есірткі зертханасының «қожайынынан» не тәркіленгенін көрсетті
Фото: ҰҚК
2025 жылдың 28 қаңтарында Ұлттық қауіпсіздік комитеті (ҰҚК) және прокуратура қызметкерлері Алматы облысында есірткі зертханасын жойды. Олар қазақстандықты психотроптық заттарды дайындап жатқан жерінен ұстады, деп хабарлайды qandastar.kz
Психотроптық заттарды дайындау барысында Қазақстан азаматы ұсталып, соттың санкциясымен қамауға алынды.
«Тінту барысында 15 килограммнан аса «альфа-PVP» есірткі құралы мен кристалдану сатысындағы осы заттың 70 литрі, сондай-ақ 200 литр прекурсорлар мен зертханалық жабдықтар тәркіленген.»
ҰҚК баспасөз қызметі
Қылмыстық кодекстің 297-бабының 3-бөлігі бойынша сотқа дейінгі тергеп-тексеру жүргізілуде.
«Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды.»ҰҚК баспасөз қызметі
Zakon.kz жазғандай, Ақтөбе облысында газ кенішінен газ ұрлаған топ ұсталғаны хабарланған болатын. Операцияны Ұйымдасқан қылмысқа қарсы күрес департаменті, прокуратура және Ұлттық қауіпсіздік мемлекеттік комитеті жүргізген. Белгілі болғандай, айыпталушылар газ өндіру саласындағы компаниялардың бірінің қызметкерлері екен.
