Украина мен Ресей ішінара келісімге келді

Фото: ашық дереккөз

Украина мен Ресей ішінара келісімге келді, деп жазды qandastar.kz

Соңғы аптада қыза түскен келіссөздер өз нәтижесін берді. Сүйінші хабармен АҚШ әкімшілігі бөлісті. Зеленский қолдап, Кремль де оны ресми растады. Сауд Арабиясында өткен бейбіт мәміле екі күнге созылды. Алғашқы болып америкалық делегация Ресей тарапымен кездесті. Жиын 12 сағатқа созылған. Келесі күні қарсы тараппен жолығып мәселенің түйінін шешкен. Екі ел энергетикалық нысандарды атқылауды тоқтатады. Тізімге мұнай өңдеу зауыттары, шикізат тасымалдаушы құбырлар, су, электр және атом станциялары кірген. Уақытша мораторий 18 наурыздан бастап күшіне еніп, 30 күнге созылады. Осы аралықта теңіздегі шабуылдар да тыйылуы тиіс. Ресей билігі Қара теңізіндегі тасымалды қалпына келтіріп, агроөнімдер мен тыңайтқышты еш кедергісіз экспортқа шығаруды талап етті. Бұл жүктеме АҚШ-қа міндеттелген. Ақ үй жақын арада Ресейге салынған санкцияларды жеңілдетуі керек.