«Ұлым екеуі ажырасып кеткен»: Әнші Шахизада келіндерімен арасы туралы айтты

Белгілі әнші Шахизада бұрынғы және қазіргі келіндерімен қарым-қатынасы қандай екенін айтты, деп хабарлайды Qandastar.kz ақпарат порталы.

Әншінің сөзінше, ұлы бір рет ажырасса да екі келінімен өте жақын екен.

«Өз-өзіме шапалақ соғып отырмын. Өйткені екі келініммен де доспын. Түсінбей жатқандарға, айтып өтейін: Ләззат — менің бірінші келінім, ұлым екеуі ажырасып кеткен кезінде, ал Шынар — ұлымның қазіргі келіншегі, бүгінгі таңда барлығымыздың арамыз тату, Аллаға шүкір, өйткені немерелер бар. Осындай кішігірім отбасымыз жайлы факт», — деді әнші.