Ұлымыздың тойын тікелей эфирде көрсетеміз – Сәкен Майғазиев

Танымал әнші Сәкен Майғазиев көпшіліктен той туралы сұрақтары көптеп түсетінін айтып, ұлының тойын тікелей эфирде көрсететінін айтты, деп хабарлады qandastar.kz ақпарат порталы.

«Аллаға шүкір өз аузымыз өз қолымызға жетіп, шамамыз да жетеді той жасауға. Алайда осыншама адамның тілектес болып атсалысады деп үш ұйықтасам түсіме кірмепті. Алла разы болсын бәріне, қаншалықты лайықтымын осындайға. «Сәкен аға, сіздің де шарапатыңызды, шапағатыңызды көп көрдік», — деп жатқан асыл азаматтарымыз, қарындастарымыз көп екен. Бізге келіп жеткен толассыз хаттар «бізді де шақыра салыңыздаршы», «жай тойда жүрейікші» деген жүз шақты хат келді. Дайректіме де, ватсапқа да жазып жатыр. 700-800 адам ғана сыяды екен түсінеміз, алайда біз жай қатысқымыз келеді, деп жатырғандар бар. Қазір енді дұрыс қабылдайды деп ойлаймын, әрине негатив жазатындар да бар. «Сенің тойың кімге керек», — деп ондайға менің иммунитетім қалыптасқан. Бірақ шынында тойға қатысқысы келетіндер өте көп. Сондықтан тойды тікелей эфирде көрсетеміз бе деп отырмыз. Оған әрине тіркелу керек болатынын құлағдар еткім келеді», — деді әнші.