«Únemi baryp turamyn»: Áıeldi baspaldaqtan ıtergen Amantaı qajy óz shyndyǵyn aıtty

Áleýmettik jelide Amantaı qajy Asylbekovtiń bir áıeldi baspaldaqtan ıterip jibergeni túsirilgen vıdeo qyzý talqyǵa tústi, dep habarlaıdy Qandastar.kz saıty KursivMedia-ǵa silteme jasap.

Oqıǵaǵa qatysty pikir bildirgen Amantaı qajynyń aıtýynsha, vıdeo — shyndyqqa janaspaıdy.

– Bári jalǵan. Ondaı jaǵdaı bolmaǵan. Men únemi Stadıonǵa baryp turam. Sol kúni mas kúıde bir áıel – Bıǵaısha degen – aldymnan shyǵyp, «ooo» dep qushaqtaı jóneldi. Men qajy adammyn, ondaı nársege qarsymyn. Qolyn qaǵyp jibergenimde, ol qulap tústi. Qasynda bir jigit boldy, soǵan «kóter» dedim. Biraq onyń basqa oıy bolǵan sııaqty. Jaýlarym kóp qoı, ne maqsatpen túsirgenin bilmeımin, – dedi ol.

Amantaı qajy eshkimge qol kótermegenin, bul oqıǵa – ózine qarsy jasalǵan arandatý ekenin aıtty.

– Urǵan joqpyn. Keıin aýrýhanaǵa da bardym. Jýrnalıster keldi. Qarasa, eshteńe bolmaǵan. Áıel shaı iship otyr, – dedi ol.

Almaty qalasy Almaly aýdandyq polıııa basqarmasy bul oqıǵa boıynsha QR Qylmystyq kodeksiniń 107-baby – «Densaýlyqqa qasaqana ortasha aýyrlyqtaǵy zııan keltirý» babymen is qozǵalǵanyn habarlady.

Qazir sot-medıınalyq saraptama júrgizilip jatyr. Nátıjesine qaraı proessýaldyq sheshim qabyldanady.