Úshinshi AES Shardara jaǵasynda salynýy da múmkin

Foto:Dalanews.kz

AES Shardara jaǵasynda salynýy da múmkin. Bul týraly DALA INSIDE arnasy jazdy, dep habarlaıdy qandastar.kz Dalanews.kz-ke silteme jasap.

«Qytaı salatyn úshinshi atom elektr stanııasy Shardara jaqqa qoıylý múmkin. Jabyq esik jaǵdaıyndaǵy talqylaýlarda osy nusqa kóbirek aıtyla bastady», — dedi, DALA INSIDE derekkózi.

Insaıderdiń aıtýynsha, ońtústik óńir basqalarǵa qaraǵanda elektr energııasynyń tapshylyǵyn qatty sezinýde. Al demografııalyq-mıgraııalyq boljamdarǵa saı, 2030 jyldarǵa qaraı bul másele tipti ýshyǵady. Túrkistan oblysynda jaryq grafıkpen óshirilip, berilip otyratyn jaǵdaıǵa tap bolýymyz múmkin.

«Negizi jospar boıynsha Balqashtaǵy úlken AES «Soltústik-Ońtústik» jelisi arqyly ońtústiktegi defııtti jabýy tıis edi. Biraq onyń ýaqytyly salynatynyna Úkimettiń ózi senbeı otyr. Sebebi Rosatomnyń Túrkııadaǵy daǵdarysy biraz nársege kózdi ashyp berdi. Balqashtaǵy qurylys quryǵanda 20 jyldyń ishinde salynyp bitedi degenge de esh kepildik joq. Sondyqtan Qytaıdyń CNNC korporaııasy arqyly Shardara jaqqa eki HPR-1000 reaktoryn tez arada qoıyp, mobıldi AES jasap alý ıdeıasy logıkaǵa saıyp tur», — deıdi ınsaıder.

Byltyr ońtústik óńirlerge 3,3 mlrd kVt/saǵat elektr energııasy jetpedi. Ol tapshylyq manevrli qýat arqyly Reseıden ımporttaldy jáne osy úshin Qazaqstan Reseıge 100 mıllıard teńgeden astam somany tóleýge májbúr boldy. Bıylǵy defııt odan da kóp bolýy tıis.

Eldiń elektr balansynda Túrkistan oblysy, Qyzylorda oblysy men Shymkent qalasy basty problemaǵa aınalyp otyr. Adam sany tez ósýde jáne jańa óndirister qaptap ashylýda. Bárine molynan jaryq kerek. Aımaqtaǵy sý elektr stanııalary men kómir stanııalarynyń qýaty jetpeıdi. Ekibastuzdaǵy GRES barynsha jyrtyqty jamaǵysy kelse de onyń da shamasy jetpeı jatyr.

«Bastysy, qytaılar atom elektr stanııasyn tez salýy tıis. Eger 7 jylǵa úlgerse, biz defııt problemasyn ýshyqtyrmaı sheshe alamyz», — dep jazdy arna.