Әлеуметтік желіде Денсаулық сақтау вице-министрі Әлия Рүстемованың қатысуымен түсірілген видео тарады. Бұл туралы Qandastar.kz ақпарат порталы Instagram желісіндегі 5region.kz парақшасына сілтеме жасап хабарлайды.
Бейнежазбада вице-министрге «дәрі-дәрмек бағасы қанша пайызға қымбаттайды?» деген сұрақ қойылған. Әлия Шайзадақызы бұл сұраққа жауап ретінде «баға салық мөлшерлемесінің үстіне өседі» деп мәлімдеген.
Алайда бұл жауап нақты пайыздық көрсеткішті қамтымайды және түсініксіз деп бағаланып отыр.
Сарапшылардың пікірінше, мұндай жағдайда дәрі-дәрмекпен қатар өзге тауарлар мен қызметтердің де қымбаттауы мүмкін.
