West Oil Software قىزمەتكەرلەرى «قازمۇنايگاز» وكىلدەرىمەن كەلىسسوزدەر جۇرگىزۋدەن باس تارتتى

بۇگىن, 20 جەلتوقساندا قاراقيا اۋدانىنىڭ اكىمى سىمبات تورەتاەۆتىڭ باستاماسىمەن West Oil Software قىزمەتكەرلەرىمەن كەلىسسوزدەر پروتسەسىن جۇرگىزۋگە ارەكەت جاسالدى, الايدا جۇمىسشىلار «قازمۇنايگاز» شتاتىنا جۇمىسقا ورنالاسۋدى تالاپ ەتىپ, كەلىسسوزدەردەن باس تارتتى, دەپ حابارلايدى قاراقيا اۋدانى اكىمدىگىنىڭ ءباسپاسوز قىزمەتى.

كەشە, 19 جەلتوقساندا قاراقيا اۋدانىنىڭ اكىمى سىمبات تورەتاەۆ West Oil software نارازىلىق ءبىلدىرۋشى قىزمەتكەرلەرىنىڭ وكىلدەرىمەن كەزدەسۋ وتكىزدى. تورەتاەۆ نارازىلىق بىلدىرۋشىلەردى جاعدايدى سىندارلى باعىتقا اۋىستىرۋعا, كەلىسسوزدەر ۇستەلىندە ءبارىن شەشۋگە شاقىردى. قىزمەتكەرلەر اكىمنىڭ ۇسىنىسىمەن كەلىستى.

20 جەلتوقسان كۇنى تاڭەرتەڭ «قازمۇنايگاز» اق توراعاسىنىڭ ورىنباسارى داۋلەتجان حاسانوۆ, «ماڭعىستاۋمۇنايگاز» اق باسشىسى مۇرات مۇستافاەۆ, West Oil software باسشىلىعى جانە قاراقيا اۋدانىنىڭ اكىمى سىمبات تورەتاەۆ زاڭسىز ەرەۋىل وتەتىن جەرگە كەلىپ, نارازىلىق بىلدىرۋشىلەردى ءوز قاتارىنان بەلسەندىلەردى تاڭداپ, كەلىسسوزدەر پروتسەسىن باستاۋعا شاقىردى.

الايدا, West Oil Software قىزمەتكەرلەرى نارازىلىق اكتسياسىن زاڭداستىرۋدى تالاپ ەتىپ, كەلىسسوزدەردى باستاۋدان باس تارتتى. داۋلەتجان حاسانوۆ ءوز كەزەگىندە ەرەۋىل سوتتىڭ شەشىمىمەن زاڭسىز دەپ تانىلعانىن جانە ونى تەك جوعارى تۇرعان سوت ساتىسىنا ارىز بەرۋ ارقىلى جويۋعا بولاتىنىن ءتۇسىندىردى.

— كەلىسىم كوميسسياسىنىڭ جۇمىسى اياسىندا كەلىسسوزدەر پروتسەسىن باستاۋدى ۇسىنامىز. بۇل جاعدايدى رەتتەۋدىڭ زاڭدى ءتاسىلى, ونى پايدالانۋ قاجەت, — دەدى حاسانوۆ جينالعاندارعا.

الايدا, WOS قىزمەتكەرلەرى «قازمۇنايگاز» اق شتاتىنا جۇمىسقا ورنالاسۋدى تالاپ ەتىپ, كەلىسسوزدەردەن باس تارتتى.

WOS-تىڭ بىرقاتار قىزمەتكەرلەرىنىڭ «قازمۇنايگاز» ۇك اق-نىڭ ەڭبەكاقى تولەۋدىڭ بىرىڭعاي جۇيەسىمەن (ەسوت) ەڭبەكاقىنى تەڭەستىرۋ, قمگ ەنشىلەس كاسىپورنىنىڭ شتاتىنا كىرۋ سياقتى قوسىمشا تالاپتارى نەگىزسىز بولىپ تابىلاتىنىن اتاپ ءوتۋ قاجەت.

اكتسيانىڭ ءوزى, 2023 جىلدىڭ 11 جەلتوقساندا ماڭعىستاۋ وبلىسى قاراقيا اۋدانىنىڭ سوتى زاڭسىز دەپ تانىلدى.

سونداي-اق, WOS-تىڭ كەيبىر قىزمەتكەرلەرى بۇرىن قازمۇنايگازدىڭ ەنشىلەس ۇيىمدارىنىڭ قىزمەتكەرلەرى بولعانىن جانە 2018 جىلى 5/50 باعدارلاماسىن پايدالانىپ, ءوز ەركىمەن جۇمىستان شىققانىن جانە اتالعان باعدارلاما اياسىندا بەس جىلدىق جالاقىسىنىڭ 50% العانىن اتاپ وتكەن ءجون. ورتاشا العاندا, ءبىر ادامعا تولەنەتىن تولەم سوماسى شامامەن 11 ملن تەڭگەنى قۇرادى. وسى سەبەپتى قازمۇنايگازدىڭ ەتۇ شتاتىنا كوشۋى تۋرالى تالاپتار دا مۇمكىن ەمەس.

وسى كۇنگى ەرەۋىلگە بايلانىستى «West Oil Software» جشس كۇنىنە شامامەن 23 ملن تەڭگە شىعىن اكەلىپ وتىر.
بۇل فاكتور كومپانيانىڭ جانە ونىڭ قىزمەتكەرلەرىنىڭ, سونىڭ ىشىندە ەرەۋىلگە قاتىسپايتىن تىكەلەي WOS قىزمەتكەرلەرىنىڭ قارجىلىق جاعدايىنا نۇقسان كەلتىرەدى.