Zań kúshine endi: Kollektorlar endi habarlaspaıdy

Foto: ashyq derekkóz

2026 jyldyń 1-shi mamyryna deıin “qaryzyńyzdy qaıtaryńyz” dep eshkim habarlaspaıdy. Zań kúshine endi, — dep habarlaıdy qandastar.kz.

Eldiń qaryzy kóbeıip ketpeý úshin birqatar erejeler engizildi. Budan bylaı:

90 kúnnen asqan bereshegi bar azamattarǵa tutynýshylyq nesıe berýge tyıym salynady. Alaıda qaryzdy qaıta qarjylandyrýǵa bul tyıym júrmeıdi.

2026 jylǵy 1 mamyrǵa deıin bankter men mıkroqarjy uıymdaryna azamattardyń qaryzyn kollektorlyq agenttikterge berýge tyıym salyndy.

2026 jylǵy 1 mamyrdan bastap kollektorlyq agenttikterge qoıylatyn talap sharttary qatańdatylady.

2026 jylǵy 1 mamyrdan bastap, nesıe alýshy bereshegin 24 aı keshiktirese ǵana isti kollektorlarǵa berýge bolady.

Kámeletke tolmaǵan balalary bar otbasylardy jáne 1 nemese 2 toptaǵy múgedektigi bar adamdardy jylytý maýsymynda jalǵyz baspanasynan májbúrlep shyǵarýǵa tyıym salynady.

Bank ombýdsmany paıda bolady. (Buǵan deıin ol tek ıpotekalyq sharttarǵa qatysty daýlardy qaraıtyn). Endi quzireti keńeıdi. Qaryz alýshy ombýdsmandarmen kelisken jaǵdaıda, sheshimderdi qarjy uıymdary oryndaýǵa mindetti.

Ombýdsmandar halyqtyń áleýmettik osal toptaryna jatatyn boryshkerdyń ótinishterin qaraǵan kezde kepilge alynǵan jyljymaıtyn múlikti óndirip alýǵa tyıym salynady.

Sondaı-aq osy sanatqa jatatyn azamattar buǵan deıin mindettemeni oryndamaǵanyna baılanysty bank balansyna ótip ketken jaldamaly baspanasyn satyp alýǵa quqyly.

Áskerı qyzmetshiler merzimdi áskerı qyzmetin ótkerý kezinde jáne demobılızaııadan keıin 60 kún ishinde alǵan qaryzyna ósimpul eseptelmeıdi.

Azamattardyń bankrottyq rásimine ótinish berý tártibi jeńildetildi.

Alaıaqtyq áreketterge jol bermeý úshin onlaın qaryzdar boıynsha mindetti túrde bıometrııalyq sáıkestendirý engizildi.

Alaıaqtardyń yqpalymen rásimdelgenin dáleldeıtin sot aktileri bar bereshekter Zań qoldanysqa engizilgen kúnnen bastap keshiriledi.