Әлем жаңалықтары
Зеленскийден хат алдым – Трамп
Фото: ашық дереккөз
АҚШ президенті Дональд Трамп Конгресте сөйлеген сөзінде Украина мәселесін айналып өтпеді, деп жазды qandastar.kz
«Мен Украинадағы сұрапыл қақтығысты тоқтату үшін үздіксіз жұмыс істеп келемін. Миллиондаған украиналық пен ресейлік осы қақтығыста қаза тапты, жарақат алды. Америка Құрама Штаттары Украина қорғанысын қолдауға жүздеген миллиардтаған доллар бағыттады. Бұл уақытта, өкінішке қарай, Еуропа Украинаның қорғанысының орнына Ресейдің мұнайы мен газы үшін одан да көп қаражат жұмсады», — деді Трамп.
Ол Украина президенті Владимир Зеленскийден хат алғанын айтты. Сөзінше, онда Киевтің «келіссөздер үстеліне отыруға дайын екені» және «Украинадан артық ешкім бейбітшілікті қаламайтыны» жазылған. Бұдан бөлек Зеленский АҚШ-қа қолдау көрсеткені үшін алғыс айтып, сирек минералдар туралы келісімге қол қоюға дайын екенін жеткізген. Ақ үй басшысы Ресеймен де сөйлескенін, олар бейбітшілікке дайын екенін айтты.
