“Jalaqy 600 myń bolsa da, jumys istegisi keletinder az”: Depýtat kásiptik-tehnıkalyq mamandar tapshy ekenin aıtty

Foto: pixabay.com

Parlament senatynyń depýtaty Talǵat Júnisov depýtattyq saýalynda tehnıkalyq jáne kásiptik bilim berý júıesindegi kadr tapshylyǵy problemalaryn joıý jáne mamandardy daıarlaý sapasyn arttyrý qajettigin aıtty. Bul týraly qandastar.kz   Stan.kz aqparat agenttigine silteme jasap habarlaıdy.

Senatorlar Qaraǵandy, Abaı, Aqmola oblystaryn jáne Astana qalasıandaǵy bilim berý salasyndaǵy birneshe kásiporyndar men mekemelerge baryp, tehnıkalyq jáne kásibı bilim berý júıesindegi kadrlik qamtamassyz etý máselelerimen tanysqan. Júnisovtyń sózinshe, elimizde kásiptik-tehnıkalyq mamandar tapshy.

«Qazirgi tańda elimizdegi 772 kolledjde 565 myń stýdent bilim alyp jatyr. Oǵan qosa kásibı kvalıfıkaııa boıynsha 252 myń. Aqparatqa sáıkes jylý energetıkasy, sý resýrstary, taý-ken isi, aýylsharýshylyǵy, balyqsharýashylyǵy tipti avıaııa salasynda da maman tapshylyǵy bar. Qurlysshylar, aspazdar, tiginshiler jetispeıdi. Kásibı bilikti jumysshylardyń – tokarlardyń, frezerlerdiń, slesarlardyń tapshylyǵy kúrdeli máselege aınalyp otyr. Jalaqy 600 myńǵa deıin jetedi, biraq jumys isteýge yntaly adamdar az. Kásiptik bilimi bar mamandarǵa suranys joǵary oqý oryndarynyń túlekterine qaraǵanda 70 paıyzǵa joǵary. Orta kásiptik bilim berý júıesinde kadrlardy daıarlaýdyń eńbek naryǵynyń qazirgi talaptarǵa sáıkes kelmeýi máselesimen betpe-bet kelgeni belgili boldy», — dedi Júnisov.