«Жалған құжаттар жасайды»: Антикор алаяқтарға қатысты мәлімдеме жасады

Фото: ашық дереккөз

Желіде сыбайлас жемқорлыққа қарсы іс-қимыл агенттігінің басшылығы мен қызметкерлерінің атынан жалған парақша ашылған. Бұл туралы Stan.kz ақпарат агенттігі хабарлайды.

Сыбайлас жемқорлыққа қарсы қызмет Антикор атынан парақша ашқан алаяқтар туралы ескертті.

Алаяқтар Антикор белгілері бар жалған құжаттарды, файлдар мен хабарламаларды жасайды және жібереді.

“Жалған ақпараттық бюллетеньдерге сенбеңіз, күмәнді сілтемелерді баспаңыз және ақша аудармаңыз. Егер осындай қоңыраулар немесе пошталық хабарламалар түссе, бұл фактілер туралы дереу құқық қорғау органдарына хабарлауыңызды сұраймыз”, – деп мәлімдеді сыбайлас жемқорлыққа қарсы қызмет.