“جاڭا ادامدار” قاۋىپسىز ايەلدەر تاكسيى جوباسىن قولعا الدى

فوتو: اشىق دەرەككوز

جاڭا ادامدار قوزعالىسى مەملەكەت باسشىسى قاسىم-جومارت كەمەل ۇلىنىڭ تاپسىرماسىن جانە قاۋىپسىز قازاقستان اكتسياسىن جۇزەگە اسىرۋ اياسىندا قوعامدا قاۋىپسىزدىك پەن قۇرمەت مادەنيەتىن قالىپتاستىرۋعا باعىتتالعان جوبانى ىسكە قوستى, دەپ جازادى qandastar.kz

بۇل جوبا مىڭداعان ايەلدەر تاپ بولاتىن ماسەلەنى كوتەرەدى. الماتى كوشەلەرىندە قاۋىپسىز ايەلدەر تاكسيى جوباسىنىڭ 7 كولىگى جۇرە باستادى. ارنايى بەزەندىرىلگەن كولىكتەردە ساپار تەگىن. جۇرگىزۋشىلەر دە, جولاۋشىلار دا تەك ايەلدەردەن تۇرادى. تاكسي 1 قىركۇيەككە دەيىن الماتىدا جانە قالا ماڭىنداعى اۋدانداردا — قاسكەلەڭ مەن بەساعاشتا جۇمىس ىستەيدى. جولاۋشىلارعا وزدەرى قالاعان جاعدايدا حاراسسمەنتكە نەمەسە ءوزىن قاۋىپسىز سەزىنبەۋىنە بايلانىستى جەكە وقيعاسىمەن ءبولىسۋ ۇسىنىلادى. جولاۋشىنىڭ كەلىسىمىمەن ءار كولىكتە قۇپيالىلىق ساقتالا وتىرىپ, اۋديو جانە بەينەتۇسىرىلىم جۇرگىزىلەدى. بۇل جازبالار جوباعا تيەسىلى YouTube ارناسىندا جاريالانادى. كورەرمەندەر ايەلدەردىڭ شىنايى وقيعالارىن تىڭداپ, زاڭگەرلەر مەن پسيحولوگتاردىڭ كەڭەستەرىن الىپ, باستامانى قولدايتىن تانىمال تۇلعالاردىڭ قاتىسۋىن كورە الادى. جوبانىڭ باستى ماقساتى — ءاربىر ايەل ءوزىن قاۋىپسىز ءارى ەستىلەتىندەي سەزىنەتىن كەڭىستىك قالىپتاستىرۋ. ءبىز حاراسسمەنتكە نولدىك توزىمدىلىكتى ورنىقتىرىپ, جەكە شەكارانى قۇرمەتتەيتىن قوعامدىق مادەنيەت قالىپتاستىرۋدى كوزدەيمىز. بۇل — ءاربىر ادام ءوز ارەكەتى ءۇشىن جاۋاپكەرشىلىك الاتىن قاۋىپسىز جانە ادىلەتتى قازاقستاندى قۇرۋداعى قادام. بارلىق قالاۋشىلار باستامانى قولداپ, قوعامدىق ديالوگقا قاتىسۋ ءۇشىن Instagram ديرەكتىنە جازا الادى: — @Tumaaarrr — @Zhana.adamdar