Jańaqorǵannyń emdik batpaǵyn «aýlap» jatqan kimder?

Foto: ashyq derekkóz

Birer kún buryn áleýmettik jelilerde belgisiz adamdardyń kólden batpaq jınap jatqan fotosy tarady.

Sol-aq eken, elge tanymal shıpajaıdyń tól ónimin «qoldy etip jatyr» degen túsinik qalyptasty.

Biletinder Qyzylorda oblysy, Jańaqorǵan aýdanyndaǵy «Terisken» kólinen belgili bir ýaqytta emdik qara balshyq shyǵarylatynyn aıtty, dep habarlaıdy  qandastar.kz inbusiness.kz tilshisine silteme jasap.

– Buryn ájemiz osy balshyq qurttaıdy dep, úsh kún daladaǵy balshyqqa túsetin. Onyń óz ýaqyty da bolatyn. Sol kezde emdik qasıetin biledi, sezedi eken ǵoı. Búgingi kúni naqty ǵylymı túrde bekitilgen medıınalyq turǵyda em ekenine kóz jetkizip otyrmyz, — deıdi Serik esimdi áleýmettik jeli qoldanýshysy.

«Jańaqorǵan shıpajaıy» AQ-nyń resmı paraqshasy kólden balshyq jınaý proesine belgisiz adamdardyń qatysy joq ekenin, emdik maqsattaǵy iske ózderi kiriskenin habarlaǵan.

– Shıpajaı janynda ornalasqan qasıetti «Terisken» kólinen emdik qara balshyq shyǵarylyp jatyr.

Qara balshyqtyń eń negizgi qasıeti – tuzdylyǵynda. Naqty aıtqanda, onyń quramynda hımııalyq, bıologııalyq belsendi zattar men tabıǵı bakterııalar, follın degen emdik qýaty joǵary zattar bar.

Dál osy kezde kóldiń qara balshyǵynda atalǵan tabıǵı zattardyń emdik qasıeti artyp, em alýshylardyń syrqatyna oń áserin tıgizedi, — deıdi resmı paraqsha.

Iaǵnı, bul – elimizdiń túkpir-túkpirinen keletin emdelýshilerge daıyndyq proesi.

Qyzmetkerler «artemııa» atty qyzyl tústi bakterııalardyń qyzmeti men balshyqtyń bıologııalyq belsendigine de toqtaldy.

– Qarapaıym sózben aıtsaq, kóldiń ústińgi qabatyndaǵy tuzdy sý, al astynda tuzdy balshyq óz babynda bolady, ıaǵnı, tuzdy sý men balshyqtyń baılaný proesi júredi. Nátıjesinde kóldiń betine «artemııa» dep atalatyn qyzyl tústi bakterııalar shyǵa bastaıdy. Osy bakterııalar tuzdy balshyqtyń bıologııalyq belsendiligin kúsheıtip, emdik qasıetin arttyrady, — habarlady shıpajaı qyzmetkerleri.