Janqosh Turarov chempıondyq belbeýinen aıyrylýy múmkin

Foto: ashyq derekkóz

Boksshy Janqosh Turarov IBO nusqasy boıynsha birinshi jartylaı ortasha salmaq dárejesinde chempıondyq belbeýinen aıyrylýy múmkin.

Bul týraly qandastar.kz Vesti.kz-ǵa silteme jasap habarlaıdy.

IBO erejeleri boıynsha boksshy ataǵyn jylyna bir ret qorǵap otyrýy kerek. Janqosh Turarov óziniń belbeýin 2023 jyldyń naýryzynda alǵan. Ol kezde meksıkalyq Alehandro Menesesany jeńgen edi. Al 2023 jyldyń jeltoqsanynda japonııalyq Akıhıro Kondony jeńip, chempıondyq ataǵyn qorǵap qalǵan bolatyn.

Ol belbeýin kezekti ret bıylǵy jyldyń 28 qyrkúıeginde Almatyda qorǵaýy kerek bolǵan. Alaıda Hesýsa Korrea Pıntomen kezdesýi keıinge qaldyryldy.

Osylaısha ol endi belsendi bolmaǵany úshin ataǵynan aıyrylmaq.