Jazany qatańdatý: Prezıdent medıına qyzmetkerleriniń usynysyn qoldady

Foto: Freepik

Memleket basshysy medıına qyzmetkerlerine kúsh kórsetetinderge jazany qatańdatý týraly usynysty qoldady, dep jazdy qandastar.kz prezıdenttiń baspasóz hatshysy Rýslan Jeldibaıǵa silteme jasap.

«Memleket basshysy medıına qyzmetkerlerine shabýyl jasap, kúsh qoldanyp jáne qatygezdik tanytqan áreketterge qatysty jazany qatańdatý maqsatynda ulttyq zańnamaǵa ózgerister engizý týraly parlament depýtattarynyń, densaýlyq saqtaý salasy ókilderiniń jáne belsendi azamattardyń usynysyn qoldaıdy.

Dárigerlerdiń densaýlyǵyna nuqsan keltirip, ómirine qaýip tóndiretin mundaı keleńsizdikterge «Zań jáne tártip» qaǵıdatyna sáıkes quqyqtyq turǵyda batyl túrde tosqaýyl qoıylýy kerek.

Prezıdent úkimetke tıisti zańnamalyq túzetýler ázirleýdi tapsyrdy. Bul bastama parlamentte azamattyq qoǵam ókilderimen birge talqylanady», — dep jazdy Rýslan Jeldibaı Telegram-daǵy arnasynda.