Жетісу облысында жол апатынан 5 адам қайтыс болды, деп хабарлайды qandastar.kz порталы облыстық полиция департаментіне сілтеме жасап.
Жол апаты 24 қаңтар күні шамамен сағат 15:30-да Ақсу ауданында «Көшкентал – Қапал» автожолының 4-шақырымында болған.
Алдын ала мәліметтерге сәйкес, Toyota Avalon және Toyota Camry маркалы автокөліктер соқтығысқан.
Салдарынан 5 адам қаза тапты. Әртүрлі дәрежедегі дене жарақатын алған 2 жолаушы медициналық көмек көрсету үшін ауруханаға жеткізілді.
Аталған факті бойынша қылмыстық іс қозғалды.
Тергеп-тексеру барысы Департамент басшылығының бақылауында.
Полиция қаза тапқандардың жақындары мен туыстарына қайғыра көңіл айтады.
